بری فوج کے سربراہ جنرل قمرجاوید باجوہ نے کہا ہے کہ پاکستان میں فٹبال کے کھیل کے فروغ اور نوجوان کھلاڑیوں کی حوصلہ افزائی کے اقدامات خوش آئند ہیں۔انہوں نے آج(منگل) فٹبال کے نامور کھلاڑی مائیکل اوون سے گفتگو کرتے ہوئے کہا کہ کھیل امن کو فروغ دینے کا ایک ذریعہ ہیں۔انہوں نے کھیلوں بالخصوص فٹبال کے فروغ کے لئے مائیکل اوون کی کوششوں کی تعریف کی۔آرمی چیف نے پاکستان کا دورہ کرنے پر فٹبال کے معروف کھلاڑی کا شکریہ ادا کیا۔
