سپریم کورٹ نے خو ر شید شا ہ ضمانت کیس کا تحریری فیصلہ جاری کر دیا
اسلام آباد (خصوصی رپورٹر) سپریم کورٹ نے خورشید شاہ ضمانت کیس کا تحریری فیصلہ جاری کر دیا۔ جسٹس منصور علی شاہ نے فیصلہ تحریر کیا جس میں کہا گیا ہے کہ نیب خورشید شاہ اور فیملی ممبر کے اثاثوں سے متعلق ٹھوس مواد پیش نہیں کر سکا۔ نیب کے پاس بے نامی داروں کی جائیداد خورشید شاہ کی ہونے کے شواہد نہیں، نیب کی جانب سے محض بے نامی داروں کا الزام لگایا گیا۔ فیصلے میں مزید کہا گیا ہے کہ نیب نے خورشید شاہ کے اثاثوں کی سیل ڈیڈ مالیت مسترد کرنے کا ٹھوس قانونی جواز پیش نہیں کیا۔ نیب نے خورشید شاہ کی زرعی آمدن کا تخمیمہ قانون کے مطابق نہیں لگایا۔
