اسلام آباد(وقائع نگار)اسلام آباد ہائیکورٹ نے خواجہ آصف کا ہرجانہ کیس میں وزیراعظم عمران خان پر حق جرح بحال کرنے کا تحریری فیصلہ جاری کردیا۔چیف جسٹس اطہر من اللہ کی عدالت سے جاری تحریری فیصلہ میں کہاگیاکہ ٹرائل کورٹ کا حق جرح ختم کرنے کا فیصلہ خلاف قانون ہے۔کالعدم قرار دیا جاتا ہے،حق جرح ختم کرنے کا فیصلہ شفاف ٹرائل کے طے شدہ اصولوں کے مطابق نہیں،ٹرائل کورٹ نے حق جرح ختم کرنے کا فیصلہ جلدبازی میں کیا۔