بھارت میں پیش آنے والے ایک اور دل خراش واقعے سے انسانیت شرما گئی تاہم ظلم کا شکار نوزائیدہ بچی معجزانہ طور پر زندہ بچ گئی نوزائیدہ بچی کو سیوریج لائن میں پھینک دیا تھا تاہم خوش قسمتی سے اسے نئی زندگی مل گئی۔ متاثرہ بچی کا مقامی اسپتال میں علاج جاری ۔ بھارتی مےڈےا رپورٹ کے مطابق یہ انسانیت سوز واقعہ بھارتی ریاست اترپردیش میں پیش آیا، متاثرہ بچی کا مقامی اسپتال میں علاج جاری ہے۔رپورٹ کے مطابق نومولود بچی رامپور شہر میں سیوریج لائن پر پڑی ملی تھی جو ٹھنڈ سے ٹھٹھر بھی رہی تھی، مقامیوں نے بچی کو دیکھنے کے بعد فورا اسپتال منتقل کیا، جبکہ جائے وقوع پر شہریوں کا رش بھی لگ گیا تھا۔پولیس کا کہنا ہے کہ بچی دوپٹے میں لپٹی ہوئی تھی، سیوریج لائن کی سلیب پر گرنے کی وجہ سے ممکنہ طور پر نومولود محفوظ رہی لیکن اس کے سیدھے کولہے کی ہڈی ٹوٹ گئی ہے۔اسپتال انتظامیہ نے بتایا ہے کہ نوزائیدہ بچی کی حالت تشویش ناک ہے، فی الحال بچی کو مشین میں رکھا گیا ہے۔ ضرورت پڑنے پر ششو سدن یا ہائر سینٹر ریفر کریں گے۔ نومولود کو بچانے کے لیے ہرممکن کوششیں کررہے ہیں.

عمران نے حفیظ شیخ کی شکست کا بدلہ اعتماد کے ووٹ سے لیا