یوکرائن میں امن کی قرارداد جنرل اسمبلی سے منظور‘ پاکستان کا ووٹنگ سے گریز

واشنگٹن (نوائے وقت رپورٹ)اقوام متحدہ کی جنرل اسمبلی نے امریکہ  کی جانب سے یوکرائن میں جنگ بندی اور "امن کی راہ" کے عنوان سے پیش کی گئی قرارداد ترامیم کیساتھ منظور کر لی۔ یہ قرارداد اصل میں امریکہ کی جانب سے پیش کی گئی تھی اقوام متحدہ کی جنرل اسمبلی نے دوسری ترمیم شدہ قرارداد  منظور کر لی۔قرارداد امریکہ، ارجنٹینا، جارجیا، ہنگری، اسرائیل، شمالی مقدونیہ نے پیش کی۔  یورپی یونین کی جانب سے پیش کی گئی تین ترامیم کو منظور کیا گیاجس کے بعد یہ ترمیم شدہ قرارداد منظور کی گئی۔پاکستان نے دونوں قراردادوں پر ووٹ دینے سے اجتناب کیا اور ووٹنگ میں حصہ نہیں لیا۔ قرارداد کے حق میں 93  ووٹ ڈالے گئے جبکہ 73 ارکان غیر حاضر رہے اور  مخالفت میں 08 ووٹ پڑے۔