پاکستان فٹبال فیڈریشن کے حکام اور سپانسر کے درمیان تنازعے کے باعث بھارت کے ساتھ انگلینڈ میں شیڈول فٹبال سیریز منسوخ ہو گئی ۔

25 اگست 2011 (15:23)
پی ایف ایف ذرائع کے مطابق حکام اور سپانسر کے درمیان معاملہ خراب ہونے کی وجہ سے سیریز منسوخ کی گئی اور اب اس بات کا امکان نہیں ہے کہ پاکستان فٹبال ٹیم انگلینڈ کے دورہ پر روانہ ہو سکے۔ واضح رہے کہ پاکستان فٹبال فیڈریشن نے گذشتہ روز سیریز کے لیے ٹیم کا اعلان کیا تھا اور تاریخ میں پہلا موقع تھا کہ کسی غیر ملکی کھلاڑی کو ٹیم کی قیادت سونپی گئی تھی۔ دوسری طرف پاکستان فٹبال فیڈریشن کے حکام سے کئی بار کی کوششوں کے باوجود رابطہ نہیں ہوسکا۔