تھائی لینڈ : طیارہ گر کر تباہ ، ایک پائلٹ اور5پولیس اہلکار ہلاک

تھائی لینڈ میں پولیس کا چھوٹا طیارہ گر کر تباہ ہو گیا جس کے نتیجے میں ایک پائلٹ اور 5 پولیس اہلکار ہلاک ہو گئے ۔ غیرملکی خبررساں ادارے کے مطابقتھائی لینڈ کے ہواہن ایئر پورٹ کے قریب سمندر میں مقامی پولیس کا ٹوئن اوٹر  طیارہ حادثے کا شکار ہو گیا۔ تھائی نیشنل پولیس نے اپنے سوشل میڈیا پیج پر کہا کہ پولیس ایوی ایشن ڈویژن کا طیارہ پیراشوٹ کی تربیت کے لیے آزمائشی پرواز کے دوران سمندر میں گر کر تباہ ہو گیا جس میں سوار تمام 6 افراد ہلاک ہو گئے۔حادثے کی وجوہات کی تحقیقات شروع کر دی گئیں ۔تھائی ایمرجنسی سینٹر نے بتایا کہ یہ حادثہ صبح سوا 8 بجے پیش آیا ، طیارے میں ایک پائلٹ اور 5 پولیس اہلکار سوار تھے۔