اگلے 24 گھنٹوں کے دوران ملک کے مختلف شہروں میں مزید بارشوں کی پیش گوئی کردی گئی ہے۔
محکمہ موسمیات کے مطابق آئندہ چوبیس گھنٹوں کے دوران پنجاب ، خیبر پختونخوا، گلگت بلتستان اورآزادکشمیرکے مختلف شہروں میں آندھی اور گرج چمک کے ساتھ بارش کا امکان ہے۔محکمہ موسمیات نے انتباہ جاری کیا ہے کہ موسلادھار بارش کے باعث لاہور، گوجرانوالہ اور راولپنڈی کے نشیبی علاقے زیر آب آسکتے ہیں ۔
موسلادھار بارش کے باعث مری، گلیات، کشمیر، گلگت بلتستان ، چترال، دیر، سوات، کوہستان، شانگلہ، بونیر، مانسہرہ اور ایبٹ آباد میں لینڈ سلائیڈنگ کا بھی خطرہ ہے۔
