کراچی(سپورٹس رپورٹر) قومی کرکٹ ٹیم کے اوپنر شان مسعود نے ٹی20 میں اپنی کارکردگی میں بہتری کا کریڈٹ وکٹ کیپر بیٹر محمد رضوان کو دیدیا۔قومی ٹیم کے اوپنر شان مسعود نے کہا کہ پاکستان سپر لیگ کے دوران ملتان سلطانز کیلئے کھیلتے ہوئے وکٹ کیپر بیٹر محمد رضوان نے ٹی20 میں میری بیٹنگ پر خاص توجہ دی جس کے باعث مجھ میں نکھار آیا۔ رضوان نے مجھے کہا تھا کہ ٹی20 میں آپ کو گیئرز تبدیل کرنے کی ضرورت ہے کیونکہ ایک دن آپ 150 کے قریب کا تعاقب کر رہے ہیں اور آپ کو 55 گیندوں پر 70 رنز بنانے ہونگے ۔

جبکہ کسی دن آپ 240 کے آس پاس کا تعاقب کریں گے تو ٹیم کو 55 گیندوں پر 100 رنز کا سکور درکار ہوگا۔پی ایس ایل 2022 میں محمد رضوان کی قیادت میں ملتان سلطانز کیلئے شاندار سیزن کھیلنے والے شان مسعود نے انگلینڈ کے ٹی20 بلاسٹ میں ڈربی شائر کی کپتانی کرتے ہوئے محض 10 اننگز میں 45.75 کی اوسط سے 366 رنز بنائے ہیں۔

وزیر اعظم شہباز شریف کی آرمی چیف سے ون آن ون ملاقات