تہران (انٹرنیشنل ڈیسک) ایران کی ایک عدالت نے امریکہ کو حکم دیا ہے کہ وہ ملک کے جوہری سائنسدانوں کے قتل پر 4 ارب 30 کروڑ ڈالر ہرجانہ ادا کرے۔ ایران کی نیم سرکاری نیوز ایجنسی ’آئی ایس این اے‘ نے انسانی حقوق کی ایرانی عدلیہ کے ڈویژن کے حوالے سے ایک بیان میں کہا کہ تہران کی 55ویں سول کورٹ نے اسرائیل کی حمایت کرنے والی امریکی حکومت، اداروں اور حکام کو حکم دیا ہے کہ بین الاقوامی ذمہ داریوں کی خلاف ورزی کرتے ہوئے انہوں نے جوہری ماہرین کو قتل کیا اور اس کے جرم میں 4 ارب 30 کروڑ ڈالر مالیاتی اور غیر مالیاتی ہرجانہ ادا کیا جائے۔ فیصلہ مقتول جوہری سائنسدانوں کے اہل خانہ کی جانب سے دائر مقدمے کے جواب میں جاری کیا گیا۔ فیصلے میں امریکہ سے متاثرہ خاندانوں کو معاوضہ دینے کا کہا گیا ہے۔ ایرانی میڈیا کے مطابق محسن فخری، ماجد شہر یاری، فریدون عباس پر امریکہ نے حملے کرائے۔

وزیر اعظم شہباز شریف کی آرمی چیف سے ون آن ون ملاقات

امریکہ؍ جرمانہ