کمشنر کا دورہ فرٹیلائزرز نوٹیفائیڈ پوائنٹس اور مارکیٹ ،قیمتوں کا جائزہ
ملتان (خبرنگار خصوصی) کمشنرملتان ڈویژن انجینئر عامر خٹک نے شہر کے فرٹیلائزرز نوٹیفائیڈ پوائنٹس اور مارکیٹ کا دورہ کیا اور پرائس لسٹ ڈسپلے، آٹا چینی سپلائی چیک کی۔انہوں نے کھاد مارکیٹ، اسپیشل پوائنٹس پر کھاد کی طلب و رسد کا جائزہ لیا۔عامر خٹک نے کہا کہ ڈویڑن میں یوریا کھاد کی کوئی قلت نہیں ہے۔شہریوں کو ارزاں نرخوں پر اشیاء خوردونوش کی فراہمی یقینی بنائی جارہی ہے۔نوٹیفائیڈ دکانوں پر ہرے تھیلے میں آٹا دستیاب ہے۔ شہریوں کی آسانی کیلئے حکومت آٹے پر نمایاں سبسڈی دے رہی ہے۔ حکومتی پالیسیوں کے ثمرات عوام تک پہنچانے کیلئے افسران محنت کریں۔ کمشنر عامر خٹک نے شہریوں سے ملاقات کی اور مسائل بارے دریافت کیا۔انہوں نے کہا فرد، گرداوری کے بغیر کھاد فراہم نہیں کی جائے گی۔مڈل مین مافیا کی سرکوبی کیلئے فرد لازم کی گئی ہے۔ انجینئر عامر خٹک نے پھل سبزی منڈی میںنیلامی عمل کا جائزہ لیا۔
