ملتان (سپورٹس ڈیسک) کامن ویلتھ گیمز کے لیے پندرہ قومی  کھلاڑیوں کے ڈوپ ٹیسٹ لینے کا فیصلہ کیاگیاہے۔پاکستان سپورٹس بورڈ دس ڈوپ ٹیسٹ کا خرچ برداشت کرے گا، پانچ اتھلیٹس کے ڈوپنگ اخراجات پاکستان اولمپک ایسوسی ایشن نے اپنے ذمہ لینے کا عندیہ دیاہے۔ذرائع کیمطابق  پاکستان اسپورٹس بورڈ نے جوڈو، ویٹ لیفٹنگ،اتھلیٹکس اور ریسلرز جبکہ پی او اے نے  ہاکی  اور باکسنگ کے دو دو جبکہ ایک اسکواش کھلاڑی کا بھی ڈوپ ٹیسٹ لینے کے لیے اینٹی ڈوپنگ ایجنسی آف پاکستان کو  خط لکھاہے۔اینٹی  ڈوپنگ ایجنسی آف پاکستان  کے سربراہ  ڈاکٹر وقار احمد نے کامن ویلتھ گیمز دستے کے ارکان کے ڈوپ ٹیسٹ لینے کی تصدیق کرتے ہوئے واضح کیا کہ گیمز کو ڈوپ فری بنانے کے نظریے کے تحت پاکستانی اتھیلٹس کے بھی ڈوپ ٹیسٹ لینا ضروری ہے۔انہوں نے کہا کہ پاکستان اسپورٹس بورڈ اور پاکستان اولمپک ایسوسی ایشن کی معاونت سے کوشش کی جائے گی کہ جلد سے جلد اتھلیٹس کے ڈوپ سمپل جمع کرکے ٹیسٹنگ کے لیے بھجوا دیئے جائیں، تاکہ برطانیہ روانگی سیپہلے ٹیسٹنگ رپورٹس مل سکیں۔ڈاکٹر وقار احمد کے مطابق اینٹی ڈوپنگ ایجنسی کے پلیٹ فارم سے پاکستانی کھلاڑیوں کو ڈوپنگ کے نقصانات سے ا?گاہی کے لیے مختلف سیمینارز باقاعدگی سے کروائے جاتیہیں، کوشش ہیکہ پاکستان  میں اینٹی ڈوپنگ کلچر کو فروغ دیکر صاف اور شفاف کھیلوں کو یقنی بنایاجاسکے۔

جمہوری معاشرے میں میڈیا پرسنز پر حملے بالکل ناقابل قبول ہیں،شہباز شریف