ایٹم بم نہیں بنا رہے‘ ایسا سوچ لیا تو کوئی نہیں روک سکتا: احمدی نژاد

24 جون 2011
تہران (اے ایف پی) ایرانی صدر محمود ا حمدی نژاد نے کہا ہے ہم ایٹم بم نہیں بنا رہے لیکن ایسا سوچ لیا تو کوئی بھی نہیں روک سکتا ۔ سرکاری ٹی وی نے ویب سائٹ کے حوالے سے ان کے بیان کی تفصیلات جاری کی ہیں۔ انہوں نے کہا جاپان کے فوکو شیما ایٹمی ری ایکٹر سے پیدا ہونے والے بحران پر عالمی ایٹمی توانائی ایجنسی نے مجرمانہ خاموشی اختیار کئے رکھی اور ہمارے ایٹمی پروگرام پر اس تنظیم کی رپورٹ بھی ردی کا ٹکڑا ہے۔