سعودی وزیر خارجہ کا پندرہ سال بعد پہلی بار لبنان کا دورہ

سعودی وزیر خارجہ کی جانب سے پندرہ سال بعد پہلا لبنان کا دورہ کیا گیا ہے۔ یہ اس مدت کے دوران سعودی عرب کے کسی بھی اعلیٰ سفارت کار کا بیروت کا پہلا دورہ ہے۔رپورٹ کے مطابق شہزادہ فیصل بن فرحان نے بیروت میں لبنان کے نامزد وزیر اعظم نواف سلام، نگراں وزیر اعظم نجیب میقاتی اور دیگر حکام سے ملاقات کی۔ ساتھ ہی انہوں نے لبنان کے نئے صدر جوزف عون سے بھی ملاقات کی۔خبرایجنسی کے مطابق شہزادہ فیصل بن فرحان کا یہ دورہ لبنان میں سیاسی تبدیلیوں کی عکاسی کرتا ہے۔عرب میڈیا کے مطابق سعودی عرب کے تعاون سے لبنان میں صدارتی عہدے کی راہ میں حاصل رکاوٹیں دور ہوئیں۔سعودی وزیر خارجہ نے امید ظاہر کرتے ہوئے کہا کہ لبنان میں نئی حکومت عنقریب تشکیل پا جائے گی۔ شہزادہ فیصل کا مزید کہنا تھا کہ دنیا کو لازمی طور پر حقیقی عمل اور حقیقی اصلاح نظر آنی چاہیے۔ساتھ ہی لبنان کے ساتھ پاسداری جو مستقبل کی خواہاں ہو نہ کہ ماضی کی اور اس عمل میں سعودی عرب بھی اپنی شرکت کو بڑھا سکے۔