بنگلہ دیش کا پہلے ٹی20 میچ میں پاکستان کو فتح کیلئے 142رنز کا ہدف
تین ٹی ٹوئنٹی میچوں کی سیریز کے پہلے میچ میں بنگلا دیش نے پاکستان کو جیت کے لیے 142 رنز کا ہدف دیا ہے۔
لاہور کے قذافی اسٹیڈیم میں کھیلے جا رہے میچ میں بنگلا دیش نے مقررہ 20 اوورز میں 5 وکٹوں کے نقصان پر 141 رنز بنائے۔
لاہور: پاکستان اور بنگلہ دیش کے درمیان 3 ٹی 20 میچز کی سیریز کے پہلے میچ میں بنگلہ دیش نے پاکستان کو جیت کے لیے 142 رنز کا ہدف دے دیا۔
تفصیلات کے مطابق بنگلہ دیش کی ٹیم پاکستان کے دورے پر ہے اور پاکستان اور بنگلہ دیش کے درمیان 3 ٹی 20 میچز کی سیریز لاہور میں کھیلی جارہی ہے۔ پہلے ٹی 20 میں بنگلہ دیش نے پاکستان کے خلاف ٹاس جیت کر بیٹنگ کا فیصلہ کیا۔
ٹاس کے بعد بنگلہ دیشی کپتان محمود اللہ کا کہنا تھا کہ وکٹ اچھی ہے، بڑا ہدف دینے کی کوشش کریں گے۔ بی پی ایل کی بدولت ہماری ٹیم پراعتماد ہے۔
قومی کرکٹ ٹیم کے کپتان بابر اعظم نے کہا کہ ٹاس جیتنے پر ہم بھی بیٹنگ کرتے۔ آج کے میچ میں حارث روؤف اور احسان علی ڈیبیو کریں گے۔
پہلی اننگز میں بنگلہ دیش نے مقررہ اوورز میں 5 وکٹوں کے نقصان پر 141 رنز بنائے، محمد نعیم 43 اور تمیم اقبال 39 رنز بنا کر نمایاں رہے۔بنگلہ دیشی ٹیم میں کپتان محمود اللہ، تمیم اقبال، محمد نعیم، عفیف حسین، لٹن داس، سومیا سرکار، محمد مٹھن، امین الاسلام، شفیع الاسلام، مستفیض الرحمٰن اور الامین حسین شامل ہیں۔
شاہین آفریدی، حارث روؤف اور شاداب خان نے 1، 1 وکٹ لی، حارث روؤف نے بنگلہ دیش کے خلاف انٹرنیشنل کیریئر کی پہلی وکٹ حاصل کی۔
پہلے ٹی 20 کے لیے پاکستانی اسکواڈ میں کپتان بابر اعظم، احسن علی، محمد حفیظ، شعیب ملک، افتخار احمد، عماد وسیم، محمد رضوان، شاداب خان، حارث روؤف، شاہین آفریدی اور محمد حسنین شامل ہیں۔
قومی کرکٹ ٹیم کے کپتان بابر اعظم نے کہا کہ ہم بھی ٹاس جیت کر پہلے بیٹنگ کا ہی فیصلہ کرتے مگر اب بنگلا دیش کو جلد آؤٹ کر کے میچ جیتنے کی کوشش کریں گے۔
بنگلا دیش کے پہلے آؤٹ ہونے والے کھلاڑی تمیم اقبال تھے جو 39 رنز بنا کر رن آؤٹ ہوئے۔
قبل ازیں مہمان ٹیم کے کپتان محمود اللہ نے ٹاس جیت کر پہلے بیٹنگ کا فیصلہ کیا اور ان کا کہنا تھا کہ بنگلادیش پریمیئر لیگ (بی پی ایل) اچھا رہا ہے، لڑکے پر اعتماد ہیں۔ ہماری کوشش ہو گی کہ اچھا ٹارگٹ سیٹ کریں۔
