لاہور(نمائندہ سپورٹس )پاکستان سپر لیگ کی ٹیم لاہور قلندرز کے کھلاڑی محمد حفیظ نے کہا ہے کہ سرفراز ہو یا کوئی، جب کبھی اچھا پرفارم کرے گا، تعریف کروں گا، مجھے سرفراز دوسرے کھلاڑیوں کی طرح عزیز ہے۔آج تک میرا کسی کھلاڑی کے ساتھ مسئلہ نہیں رہا، میں ہمیشہ سب کی تعریف کرتا ہوں کسی سے مقابلہ نہیں کرتا۔ میچ کی صورتحال ایسی تھی کہ پیشہ ورانہ طور پر نمٹنا تھا، میں نے کوچ کو کہا کہ مجھے ون ڈاؤن پر جانے دیں۔ ایک اچھی اننگز کھیلی جس پر خوشی ہے، ڈیمانڈ کے مطابق اپنا رول پلے کرنا چاہتاہوں، ورلڈ کپ میں احساس ہوا تکنیک پرکام کرتے ہیں، ماڈرن کرکٹ پر نہیں، باہر دوسری لیگز میں بیٹسمین چھکے مارنے پر فوکس کرتے ہیں، میں نے توجہ مرکوز کرتے ہوئے پاور ہٹنگ پر کام کیا۔گالف کی وجہ سے بھی مجھے کافی مدد ملی۔اْن کا دیگر کھلاڑیوں سے متعلق بات کرتے ہوئے کہنا تھا کہ تمام جونیئرپلیئرز کی پرفارمنس سے خوش ہوتا ہوں، شاہین آفریدی اور محمد رضوان اچھا اضافہ ہیں۔

بلاول بھٹو سے قائم علی شاہ کی ملاقات‘ ملکی سیاسی صورتحال پر تبادلہ خیال