کوچز عابد علی، عمران بٹ‘ محمد عباس کی خامیاں دور کرنے میں مصروف
لاہور(نمائندہ سپورٹس) نیشنل ہائی پرفارمنس سنٹر لاہورمیں اوپنر عابد علی،عمران بٹ اور فاسٹ بائولر محمد عباس کی خامیوں کو دور کرنے کیلئے بیٹنگ کوچ محمد یوسف کو ذمہ داریاں سونپی گئی، ا ہیڈکوچ مصباح الحق بھی ٹپس دے رہے ہیں۔ محمد یوسف کا کہنا تھا کہ گزشتہ میچز میں عابد علی اور عمران بٹ کی چھوٹی چھوٹی چیزوں کو نوٹ کیا ہے، جن کی وجہ سے ان سے رنز نہیں ہوپارہے تھے، اب اس پر کام ہورہا ہے، زیادہ بڑا مسئلہ نہیں، توازن کو بہتر بناکر یہ اچھی کارکردگی دکھانے کے قابل ہوسکتے ہیں کیونکہ کھیل کی تمام باریکیوں کویہ دونوں سمجھتے ہیں۔مصباح، یونس کی مشاورت کیساتھ ان کی خامیوں کو دورکرنے کی کوشش کررہے ہیں۔ فاسٹ بائولر محمد عباس کیساتھ بھی ہائی پرفارمنس سنٹر کے کوچز کام کررہے ہیں۔ یقین ہے کہ آنے والے میچز میں یہ کرکٹرز اچھی کارکردگی دکھانے کے قابل ہوں گے۔
