تجاوزات کے خلاف آپریشن : امیروں کی املاک کو تحفظ ، غریبوں کے گھر مسمار
سکھر / پنگریو / نوابشاہ /کشمو / ٹنڈوالہیار (بیورو رپورٹ / نامہ نگاران) سکھر، روہڑی ، پنو عاقل اور صالح پٹ کے علاقوں میں دریائے سندھ اور اس سے نکلنے والی نہروں نارا کینال ، روہڑی کینال ، کھیر تھر کینال و دیگر کے کناروں پرقائم تجاوزات کے خلاف آپریشن جاری ہے محکمہ روینیو، ایریگیشن اور پولیس کے افسران کی نگرانی میں کیے جانیوالے اس آپریشن میں بھاری مشینری کااستعمال کیا جارہاہے اوراب تک انتظامیہ نیچاروں تحصیلوں میں کاروائیوں کے دوران سیکڑوں کی تعدادمیں گھردکانیں ،ہوٹل اورباڑے زمین بوس کردیئے ہیں انتظامیہ کی جانب سے اپنے آشیانوں کو حسرت سے گرتا دیکھتے رہے متاثرین کا کہنا ہے کہ آپریشن کے دوران انتظامیہ کی جانب سے غیر جانبداری برتی جا رہی ہے غریب لوگوں کے گھر تو گرائے جا رہے ہیں لیکن بااثر افراد کے گھروں اور اوطاقوں کے خلاف کوئی کارروائی نہیں کی جا رہی ہے۔ ٹنڈوالہیار سے نامہ نگار کے مطابق سندھ میں محکمہ جنگلات کی جانب سے زمینوں پر قبضے ختم کرانے کے حوالے سے آپریشن فرمائشی بن گیا یے جبکہ نا اہل افسران کی جانب سے بااثر کو بچاکر چھوٹے آباد گاروں کے خلاف کاروائی کا انکشاف ہوا ہے اس حوالے سے سے انتہائی باخبر ذرائع سے ملنے والی معلومات کے مطابق محکمہ جنگلات کے افسران مٹیاری ، بدین ،ٹھٹھہ نوشہرو فیروز ، دادو سمیت مختلف 8 لاک ایکڑوں پر قبضہ چھڑانے کیلئے قبضہ مافیا کے بجائے لیز پر لینے والوں کے پیچھے پڑ گئے ہیں محکمہ جنگلات 7 لاکھ 50 ہزار ایکڑوں پر حقیقی قبضہ ختم کرانے کے بجائے حکومت سے لیز پر لینے والوں کے خلاف سامنے آگئے ہیں۔پنگریو سے نامہ نگار کے مطابق عدالت عالیہ سندھ کے احکامات پرپنگریوکے نواحی شہر شادی لارج سمیت ضلع بدین میں نہروں اور سیم نالوں کے پشتوں سے غیرقانونی تجاوزات ہٹانے کے لیئے آپریشن شروع کردیا گیا ہے آپریشن اور اورعدالتی احکامات پرعمل درآمد کاجائزہ لینے کے لیے ڈپٹی کمشنر بدین سید اعجاز علی شاہ کی زیر صدارت اجلاس منعقدہوا جس میں چئیرمین لیفٹ بینک کینال ایریاواٹربورڈقبول محمدکھٹیان نے خصوصی طورپرشرکت کی۔ڈپٹی کمشنر بدین اورچئیرمین لیفٹ بینک کینال ایریاواٹربورڈ نے پانچوں اسسٹنٹ کمشنرز اور متعلقہ افسران کو ہدایت دیتے ہوئے کہا کہ نہروں اور سیم نالوں کے پشتوں سے غیرقانونی تجاوزات کو ہٹانے کے لئے آپریشن بغیرکسی تفریق کے کیا جائے انہوں نے کہا کہ آپریشن کرنے سے قبل مارکنگ نشان لگار کر نوٹس دیا جائے۔ٹنڈوآدم سے نامہ نگار کے مطابق میونسپل کمیٹی ٹنڈوآدم کی جانب سے شہر میں غیر قانونی تجاوزات کے خلاف آپریشن کے نام پر ٹنڈوآدم کے اسٹیشن روڈ۔ کالی روڈ۔ اسٹیشن چوک اور دیگر علاقوں میں جاکر غیرقانونی تجاوزات کے خلاف آپریشن کے لئے عملہ پہنچا۔ میونسپل کمیٹی ٹنڈوآدم کے عملے کو دیکھ کر دوکانداروں۔ ہوٹل مالکان نے اپنے سڑکوں پر رکھے اسٹال اندر کر لئے میونسپل عملے کے واپس جاتے ہی دوکانداروں اور ہوٹل مالکان نے اپنے غیر قانونی اسٹال۔ چولھے۔ سڑک پر رکھ لئے شہریوں کا کہنا ہے کہ میونسپل کمیٹی ٹنڈوآدم کا عملا صرف دکھاوے میں مصروف ہے۔کشمور سے نامہ نگار کے مطابق ہائی کورٹ آف پاکستان کے حکم پر کشمور کے علاقے گڈو بیراج پر بھی ناجائز تجاوزات و ایریگیشن کی زمین واگذار کروانے کے لئے آپریشن کیا گیا، آپریشن ایریگیشن انجینئر شبیر بھٹو،اسسٹنٹ کمشنر ایاز احمد سومرو، گڈو پولیس کے ایس ایچ او منظور احمد لغاری کی نگرانی میں بھاری مشینری کے ساتھ آپریشن شروع کیا گیا۔نواب شاہ(بیورو رپورٹ)تجاوزات کے خلاف جاری ضلعی انتظامیہ کے غیر منصفانہ آپریشن کے خلاف پرانہ نواب شاہ کے علاقہ طاہر کالونی کے مکینوں رمضان خاصخیلی، عبدالقیوم چنہ، مور ڈاہری، میر محمد ڈاہری، محمد سمی شیخ، ندیم شیخ کی قیادت میں درجنوں متاثرین نے پریس کلب کے سامنے احتجاجی مظاہرہ کرتے ہوئے صحافیوں کو بتایا عدالتی احکامات پر غیر قانونی تجاوزات کی آڑ میں ضلعی انتظامیہ ہم غریب مکینوں کے گھر مسمار کرنے پر تلی ہے جبکہ شہر میں محکمہ ایریگیشن کی اربوں روپے مالیت کی قیمتی سرکاری زمین پر بااثرافراد کی کمر شل بنیادوں پر قائم غیر قانونی تجاوزات کے خلاف آپریشن نہیں ہورہا۔