کراچی(این این آئی)کراچی میں حیدری پولیس نے نارتھ ناظم آباد بلاک ایچ میں کارروائی کرتے ہوئے جعلی میجر کو ساتھی سمیت گرفتار کرلیا،گرفتار ملزم اغوا برائے تاوان سمیت دیگر سنگین جرائم میں ملوث رہا ہے۔ ملزم پولیس کو 8 مقدمات میں مطلوب تھا،ملزمان سے اسلحہ، گولیاں، حساس ادارے کا جعلی کارڈ اور دیگر جعلی دستاویزات برآمد کرلئے گئے ہیں۔پولیس کے مطابق ملزم فخر عباس اغوا برائے تاوان سمیت دیگر سنگین جرائم میں ملوث ہے، ملزمان سے اسلحہ، جعلی دستاویزات ،پولیس اور قانون نافذ کرنے والے اداروں کی وردیاں اور جعلی کارڈ بھی برآمد کیئے گئے ہیں۔گرفتار جعلی میجر فخر عباس لیاقت آباد کا رہائشی ہے جس کا آبائی تعلق اٹک سے ہے، ملزم کا ساتھی وقاص بھی غیر قانونی کاموں میں ملوث رہا ہے۔

سکیورٹی ادارے متحرک و فعال ، دہشتگردوں کو منظم ہونے سے بہرصورت روکنا ہے