عمران خان کی قیادت میں پاکستان ترقی کے راستے پر گامزن ہے۔ تحریک انصاف فرانس
پیرس ( صاحبزادہ عتیق سے ) وزیر اعظم عمران خان کی قیادت میں پاکستان ترقی کے راستے پر گامزن ہے۔ ملکی حالات میں بتدریج بہتری آرہی ہے . ان خیالات کا اظہارتحریک انصاف فرانس کے منتخب عہدیداروں نے کیا۔ پاکستان تحریک انصاف فرانس کے انٹرا پارٹی انتخابات میں بلا مقابلہ کامیاب ، تبدیلی پینل کی میٹنگ کا انعقاد کیا گیا۔ اس میٹنگ میں پارٹی کے مختلف ونگز بنانے کے لیے مشاورت کی گئی اور اس بات کا اعادہ کیا گیا کہ وزیر اعظم عمران خان کے ویژن کے مطابق ذاتی پسند ، نا پسند سے بالاتر ہوکر میرٹ پہ قابل اور حقدار ممبران کو اہم زمہ داریاں سونپی جائیں گی ۔ اجلاس میں اتفاق رائے سے یہ فیصلہ کیا گیا کہ پی ٹی آئی کی اصل طاقت اس کے ممبران و کارکنان ہیں اور ان کے اعزاز میں پی ٹی آئی انٹرا پارٹی الیکشن کے بلا مقابلہ کامیاب ہونے والے عہدیداروں کی جانب سے آنے والے چند دنوں میں ایک شاندار تقریب کا اہتمام کیا جائے گا۔ اجلاس میں فیصلہ کیا گیا کہ منتخب عہدیداروں کی میٹنگ ہر مہینہ کم از کم ایک دفعہ ضرور کی جائے گی اور تمام فیصلے باہمی مشاورت سے ہوں گے ۔ اجلاس میں چئیرمین چوہدری گلزار لنگڑیال ، صدر ملک عابد ، سینئر نائب صدر شیخ نعت اللہ ، جنرل سیکریٹری چوہدری اعجاز جٹ اور ایڈیشنل جنرل سیکریٹری چوہدری ماجد نے شرکت کی ۔
