محکمہ آڈیٹر جنرل نے آڈٹ کے ذریعے کروڑوں کی ریکوریز کرائیں:محمداجمل گوندل

لاہور(کامرس رپورٹر)آڈیٹر جنرل آف پاکستان محمد اجمل گوندل نے کہا ہے کہ آڈیٹر جنرل کے محکمہ نے آڈٹ کے نتیجے میں کروڑوں روپے کی ریکوریز کروائیں اورمحکموں میں انٹرنل کنٹرولز کو بہتر بنانے کے لئے خامیوں کی نشاندہی کی گئی۔ اس امر کا اظہار آڈیٹر جنرل آف پاکستان نے آڈٹ اینڈ اکاؤنٹس ایسوسی ایشن کی طرف سے رائل پام میں دیئے گئے عشائیہ میں خطاب کرتے ہوئے کیا۔ ایسوسی ایشن کی صدر عفت فاروق نے آڈیٹر جنرل کو ایسوسی ایشن کے اغراض و مقاصد پر روشنی ڈالی۔عشائیہ میں ڈپٹی آڈیٹر جنرل طارق بشیر چٹھہ، اکائونٹنٹ جنرل پنجاب نغمانہ گل رخ اور ملٹری اکاونٹنٹ جنرل کاشف نور سمیت افسروں نے شرکت کی۔ آڈیٹر جنرل محمد اجمل گوندل نے افسروں کی پیشہ وارانہ صلاحیتوں کو سراہا اور کہا افسر آڈٹنگ اور اکاونٹنگ کے انٹر نیشنل معیارات کو بروئے کار لائیں۔