پاکستان تحریک انصاف  کے سینئر نائب صدر فواد چوہدری نے  آزادی مارچ روکنے کیلئے حکومت کے متوقع اقدامات پر ردعمل  میں ذرائع ابلاغ  کے نمائندوں سے  بات کرتے ہو ئے کہا، عوام چئیرمین تحریک انصاف کی قیادت میں متحد ہیں،اپنا حق لے کر رہیں گے،امپورٹڈ رجیم سے نجات ملے گی،امپورٹڈ حکومت کی فاشسٹ کاروائیاں حقیقی آزادی کو روک نہیں سکیں گی، امپورٹڈ حکومت سیاسی طور پر نیچے جا رہی ہے، پاکستان معاشی بحران کا شکار سیاسی بحران کی وجہ سے ہے،اگر کچھ اور عرصہ  پاکستان پر حکومت کر گئے تو پاکستان ڈوب جائے گا،فواد چوہدری نے مزید کہا،شہباز شریف نے مختصر وقت میں4  بیرون ملک  سرکاری دورے کر لئے، ملکی حالات کی بہتری کے لئے کام کرنے کے بجائے وزیراعظم ہاؤس میں سوئمنگ پول بنایا جا رہا ہے،اس وقت ملک کا وزیراعظم اور بڑے صوبے پنجاب کا وزیراعلی دونوں ضمانت پر  رہا ہیں،ان کا رہنا پاکستان کیلئے بین الاقوامی بے عزتی کا باعث بن رہا ہے۔

وزیرِ اعظم شہباز شریف کا ایک روزہ دورہ گوادر

   فواد چوہدری نے کہا ہے کہ حقیقی آزادی مارچ کا  مقصد ذاتی مفاد  بالائے طاق رکھ کر  ملک کی حقیقی آزادی کیلئے جدوجہد کرنا ہے،عام انتخابات کروا کر  پاکستان کی عوام  کے ووٹ  کو اہمیت دی جائے، اس وقت ایوان اقتدار میں  باتیں ہورہی ہیں  کہ  حقیقی آزادی مارچ کو کیسے روکا جائے، اس وقت ملک کا وزیر خارجہ کریمنل ریکارڈ ہولڈر ہے،فاشسٹ حکومت نے  جی ٹی روڈ پے  جہلم دریا کے پل  پر کنٹینر پہنچا دئیے ہیں،  حکومت نے  تحریک انصاف کے 700 کارکنوں کو گرفتار کرنے کا پلان بنا لیا ہے،ڈاکٹر شیریں  مزاری کو جس طرح گرفتار کیا گیا وہ محکومتی بوکھلاہٹ کا ثبوت ہے،اگر گرفتاریوں کے لیے کوئی قانونی عمل اختیار نہ کیا گیا تو انتظامیہ توہین عدالت کی مرتکب ہو گی، لوگوں کو ڈرایا جارہا ہے، بغیر وردی کے لوگ گھروں کے باہر جا رہے ہیں،تحریک انصاف کے نوجوانوں کو ایف آئی اے نے کئی جگہوں پر گرفتار کرلیا گیا ہے،ارشد شریف ،عمران ریاض خان، سمیع ابراہیم اور صابر شاکر کے خلاف جعلی پرچے بنائے گئے،اے آر وائی اور بول کو پالیسی تبدیل کرنے کی دھمکیاں دی جارہی ہے،25 مئی کو انشاءاللہ عمران خان پشاور سے ایک بہت بڑی ریلی کے ساتھ اسلام آباد پہنچیں گے،ہم 25مئی کو حریت رہنما یاسین ملک کے ساتھ بھی اظہار یکجہتی کریں گے،کشمیر کا ہر فریڈم فائٹر ہمارے دل کی دھڑکن میں شامل ہے،امپورٹڈ حکومت کو ہوش کے ناخن لینے چاہئیں،وزیر اطلاعات مریم اورنگزیب اس وقت سب سے زیادہ زہر اگل رہی ہیں،وہ خود کبھی کونسلر بھی منتخب نہیں ہوئی ان کی کوئی حیثیت نہیں،اسلام آباد سمیت پاکستان کے تمام صوبوں میں تحریک انصاف کے لوگ اپنے اپنے شہروں میں نکلیں گے،اگلی حکمت عملی عمران خان اسلام آباد پہنچ کر خود بتائیں گے،حقیقی آزادی مارچ میں تمام شعبہ ہائے زندگی سے لوگ شرکت کریں گے،اگر لاکھوں لوگوں کو روکا گیا تو معاشرے میں تلخیاں اور انتشار بڑھے گا،بہت سارے سرکاری لوگ حکومت کے فاشسٹ اقدامات ماننے کو تیار نہیں،حکومت نے چند گلو بٹ بھرتی کیے ہیں جو مارچ کو روکنے میں مدد کریں گے،اگر تشدد کیا گیا تو ملک میں تفریق مزید بڑھ جائے گی،امپورٹڈ حکومت نے 40 دنوں میں ملک کا حشر نشر کردیا ہے،آصف زرداری اور ان کے بیٹے کی موج لگی ہوئی ہے،حقیقی آزادی مارچ ہر صورت ہوگا کوئی روک نہیں سکتا،انشاء اللہ پاکستان کو اس کرپٹ اور امپورٹڈ حکومت سے حقیقی آزادی مل کر رہے گی۔

نیپرا اور کے الیکٹرک کے مسئلے:شاہد خاقان عباسی کی سربراہی میں کمیٹی بنے گی