دبئی: متحدہ عرب امارات میں غیر ملکیوں کی مستقل رہائش کےلئے گولڈن کارڈ کا اجرا کردیا گیا۔ جس سے طب، انجینئرنگ اور سائنس میں غیر معمولی صلاحیتوں کے حامل افراد فائدہ اٹھا سکیں گے۔

تفصیلات کے مطابق متحدہ عرب امارات نے غیر ملکی شہریوں کے لیے مستقل سکونت کی سہولت کی فراہمی کے لیے گولڈن کارڈ پروگرام کا اعلان کردیا۔

میڈیا رپورٹس میں کہا گیا ہے کہ اماراتی حکام نے بتایا کہ متحدہ عرب امارات کے نائب صدر محمد بن راشد المکتوم نے غیر ملکی شہریوں کو مستقل بنیادوں پر اقامہ دینے کے لیے گولڈن کارڈ مستقل سکونت پروگرام کا اعلان کردیا ہے۔

عمران خان نے اعتراف جرم کرلیا، فارن فنڈںغ خٰص کا فیصلہ سنایا جائے: رہنما ن لیگ

ابتدائی طور پر اس سہولت سے 6800 تارکین وطن فائدہ اٹھا سکیں گے۔ گولڈن کارڈ مستقل سکونت پروگرام سے طب، انجینئرنگ اور سائنس کے شعبے میں غیر معمولی پیشہ ورانہ مہارت کے حامل غیر ملکی فائدہ اٹھا سکیں گے۔

یہ ویزہ اسکیم متحدہ عرب امارات میں سائنس و طب کے شعبے میں مزید بہتری لانے کے لیے لائی گئی ہے۔ یو اے ای گولڈن کارڈ اسکیم سے غیر معمولی سرمایہ کار بھی فائدہ اٹھا سکیں گے۔

واضح رہے کہ اس سے قبل سعودی عرب نے بھی غیر معمولی صلاحیتوں کے حامل غیر ملکیوں کے لیے امریکی گرین کارڈ کی طرز پر مستقل اور مخصوص مدت کے لیے کارآمد منفرد اقامہ جاری کرنے کا اعلان کیا تھا۔

بھارت بھر میں کوروناویکسینیشن مہم کا آغاز

معاشی سرگرمیوں اور سائنس و طب میں ترقی کے لیے مستقل رہائش کے حامل ویزہ اسکیم متعارف کرائے جا رہے ہیں۔