ایف 16 کی نگرانی پروگرام یو ایس ایڈ‘ پاکستان کیلئے امریکی منجمد امداد میں سے 497 ملین ڈالر جاری 

واشنگٹن (نوائے وقت رپورٹ) ڈونلڈ ٹرمپ انتظامیہ نے غیر ملکی امداد کے منجمد فنڈز میں سے 5.3 ارب ڈالر جاری کر دیئے ہیں۔ جاری فنڈز میں پاکستان میں امریکی حمایت یافتہ پروگرام کیلئے397 ملین ڈالر بھی شامل ہیں۔ امریکی کانگریس عہدیدار کے مطابق امریکی حمایت یافتہ پروگرام پاکستان کے ایف 16 طیاروں کے استعمال کی نگرانی سے متعلق ہے۔ نگرانی میں یقینی بنایا جاتا ہے کہ ایف 16 طیارے انسداد دہشتگرد آپریشنز میں استعمال ہوتے ہیں نہ کہ بھارت کے خلاف۔ خبر ایجنسی کے مطابق یو ایس ایڈ کے پروگراموں کے لیے 100 ملین ڈالر سے کم فنڈز جاری کیے گئے۔ امریکا کی جانب سے جاری کیے گئے زیادہ تر فنڈز سکیورٹی، انسداد منشیات کی مد میں جاری کیے گئے۔ جاری فنڈز میں انسانی امداد کا حصہ بہت محدود ہے۔