چند سپر بگ اینٹی بائیوٹک سے کیوں بچ جاتے ہیں، برسوں بعد حل ہوئے مسئلہ اے آئی نے 2 روز میں بتا دیا 

لندن (نیٹ نیوز) سائنسدانوں نے سپر بگ کے جس مسئلے کو حل کرنے میں برسوں  لگائے اس کو مصنوعی ذہانت نے صرف دو دن میں حل کر دیا۔ امپریل کالج لندن کے سائنسدانوں نے یہ جاننے کیلئے ایک دہائی لگائی کہ کچھ سپر بگ اینٹی بائیو ٹک سے کیوں بچ جاتے ہیں؟ یہی سوال جب مصنوعی ذہانت سے پوچھا گیا تو اے آئی ٹول نے اس کا وہی جواب صرف 48 گھنٹوں میں دے دیا جس تک سائنسدان دس سالہ محنت کے بعد پہنچے تھے۔ امپریل کالج کے پروفیسر کا کہنا ہے کہ سپر بگ کے مسئلے سے متعلق ریسرچ اور اس کے نتائج تاحال پبلش نہیں کئے گئے لہٰذا اس بات کا امکان نہیں کہ اے آئی نے پبلک ڈومین سے یہ معلومات لی ہوں۔