افغانستان میں زلزلے کے  دو جھٹکے، لوگوں میں خوف و ہراس پھیل گیا 

 کابل(آئی این پی )افغانستان میں ہفتے کی صبح یکے بعد دیگرے زلزلے کے دو جھٹکے محسوس کئے گئے، جن کی شدت 4.2 اور 4.5 تھی۔نیشنل سینٹر فار سیسمولوجی (این سی ایس)  کے مطابق، پہلا زلزلہ مقامی وقت کے مطابق علی الصبح 3:20 پر آیا، جس کی شدت 4.5 اور گہرائی 100 کلو میٹر تھی۔غیر ملکی میڈیا رپورٹ کے مطابق دوسرا زلزلہ 15 منٹ کے اندر آیا، جس کی شدت ریکٹر اسکیل پر 4.2 ریکارڈ کی گئی۔ زلزلے کی گہرائی 150 کلومیٹر ہے۔رپورٹ کے مطابق دونوں زلزلے کا مرکز افغان صوبہ غزنی تھا، زلزلے کے باعث لوگوں میں خوف و ہراس پھیل گیا اور وہ کلمہ طیبہ کا ورد کرتے ہوئے گھروں سے باہر آگئے، تاہم فی الحال کسی جانی و مالی نقصان کی کوئی اطلاع نہیں ملی۔