افغانستان کی مختلف جیلوں میں 29 ہزار 248 قیدی ہیں۔آریانا نیوز ایجنسی کی رپورٹ کے مطابق افغانستان کے محکمہ جیل خانہ جات کے معاون نظام الدین نورستانی نے کہا ہے کہ افغانستان کی مختلف جیلوں میں 29 ہزار248 قیدیوں میں سے 4 ہزار طالبان،500 داعش اور 389 غیر ملکی قیدی ہیں۔انہوں نے کہا کہ افسوس کے ساتھ کہنا پڑتا ہے کہ افغانستان کی بہت ساری جیلیں عالمی معیار کے مطابق نہیں ہیں تاہم جیلوں کے معیار کو بہتر بنانے کی ہم کوشش کر رہے ہیں۔