پاکستان سپر لیگ (پی ایس ایل) سیزن 6 میں آج پھر ایک ہی میچ کھیلا جائے  گا۔

پی ایس ایل سیزن 6 میں آج پانچویں میچ میں پشاور زلمی اور ملتان سلطانز مدمقابل آئیں گی اور دونوں ٹیمیں پاکستانی وقت کے مطابق شام سات بجے کراچی کے نیشنل اسٹیڈیم میں آمنے سامنے ہوں گی۔

واضح رہے کہ دونوں ٹیمیں اپنا پہلا میچ ہار چکی ہیں اور پوائنٹس ٹیبل پر ان کا اسکور صفر ہے۔

گزشتہ روز بھی پی ایس ایل سیزن 6 کا ایک ہی میچ لاہور قلندرز اور کوئٹہ گلیڈی ایٹرز کے درمیان کھیلا گیا تھا جس میں لاہور قلندرز نے کوئٹہ گلیڈی ایٹرز کو 9 وکٹوں سے شکست دی۔

پراونشل کوآرڈینیشن اینڈ امپلی مینٹیشن کمیٹی کا اجلاس

نیشنل اسٹیڈیم کراچی میں کھیلے جانے والے میچ میں لاہور قلندرز نے کوئٹہ گلیڈی ایٹرز کی جانب سے دیا گیا 179 رنز کا ہدف محمد حفیظ اور فخر زمان کی دھواں دار بلے بازی کی بدولت اننگز کے 19 ویں اوور میں حاصل کر لیا تھا۔

کوئٹہ کی جانب سے دیئے گئے بڑے ہدف کے تعاقب میں لاہور نے اچھا آغاز کیا تاہم قلندرز کی پہلی وکٹ 64 رنز پر گری جب کپتان سہیل اختر 21 رنز بنا کر آؤٹ ہوئے۔

اس موقع پر تجربہ کار محمد حفیظ کریز پر آئے اور انہوں نے فخر زمان کے ساتھ مل کر کوئٹہ گلیڈی ایٹرز کے بولرز کے خلاف دھواں دار بلے بازی کی تھی۔

بھارت میں اقلیتیں محفوظ نہیں‘ثروت اعجاز قادری

قلندرز کی جانب سے محمد حفیظ نے 73 جبکہ فخر زمان نے 82 رنز کی ناقابل شکست اننگز کھیلی۔

کوئٹہ کی ٹیم نے ناقص فیلڈنگ کا مظاہرہ کیا جہاں گیند بازوں نے نو گیندیں کرائی وہیں فیلڈرز نے کئی کیچز بھی چھوڑے۔