پاکستانی آرٹسٹوں کو کام منظر عام پر لانے کیلئے مشکلات کا سامنا ہے، شاہ محمود
ملتان( نمائندہ نوائے وقت )وزیر خارجہ مخدوم شاہ محمود قریشی سے چیئرمین کریسنٹ آرٹ گیلری ناصر جاوید کی قیادت میں وفد نے پیر کو وزارتِ خارجہ میں ملاقات کی۔چیئرمین کریسنٹ آرٹ گیلری نے وزیر خارجہ کو اس آرٹ گیلری کے پس منظر اور اب تک حاصل ہونیوالی کامیابیوں سے آگاہ کیا۔اراکین وفد نے وزیر خارجہ کو پاکستان کے آرٹسٹ تصدق سہیل مرحوم کی شہرہ ء آفاق پینٹنگز کا شائعہونیوالا مجموعہ بھی پیش کیا۔وزیر خارجہ نے بین الاقوامی شہرت یافتہ نامور آرٹسٹ تصدق سہیل مرحوم کے آرٹ ورک کو مجتمع کرنے اور اسے کتابی شکل میں شائع کرنے کے حوالے سے کریسنٹ آرٹ گیلری کی خدمات کو سراہا اور کہا کہ پاکستان میں ٹیلنٹ کی کوئی کمی نہیں –موزوں پلیٹ فارم کی عدم دستیابی کے سبب پاکستانی آرٹسٹوں کو اپنا کام منظر عام پر لانے کیلئے سخت مشکلات کا سامنا کرنا پڑتا ہے۔شاہ محمود قریشی نے کہا کہ کریسنٹ آرٹ گیلری جیسے ادارے پاکستانی آرٹسٹوں کی شہرہ ء آفاق پینٹنگز کو متعارف کروانے میں نمایاں کردار ادا کر سکتے ہیں۔اراکین وفد نے وزیر خارجہ کو خصوصی طور پر بنایا گیا، ان کا پورٹریٹ بھی پیش کیا۔
