چوری ، ڈکیتی کی وارداتیں جاری، پولیس بے بس، تاجروں کا احتجاجی مظاہر
ملتان‘ گگو منڈی‘ اڈا لاڑ (کرائم رپورٹر‘ نیوز رپورٹر‘ نامہ نگار‘ نمائندہ نوائے وقت) چوری ڈکیتی کی وارداتیں بدستور جاری‘ شہری لٹتے رہے‘ پولیس بے بس‘ تاجروں کے احتجاجی مظاہرے پولیس سے سکیورٹی فراہم کرنے کا مطالبہ‘ ملتان سے کرائم رپورٹر کے مطابق تھانہ شاہ رکن عالم کے علاقے شاہین آباد محمد امین سے تین مسلح ڈاکو موٹرسائیکل چھین کر فرار ہوگئے ،تھانہ گلگشت کے علاقے صفدر حسین سے تین ڈاکو نے روک کر اسلحہ کی نوک پر نقدی50ہزار،تھانہ الپہ کے علاقے بستی نانڈلہ منیر حسین گھر سات ڈاکو نے داخل ہوکر اہل خانہ کو اسلحہ کے زور پر یرغمال بناکرپانچ تولہ زیور،دوموٹرسائیکلیں ،تین موبائلز سمیت گھریلوں سامان لیگئے ،تھانہ سیتل ماڑی کے علاقے قادر آبادکریانہ کی دوکان سے دو نامعلوم افراد نے گن پوائنٹ پرعبدالسمی ،محمد بلال سے موٹرسائیکل سمیت پانچ ہزار چھین کر فرار ہوگئے،تھانہ مظفرآباد کے علاقے کھوکھراں مسجد کے باہر سے ظفر اقبال ، تھانہ بی زیڈ کے علاقے ارسلان کی موٹرسائیکلیں ، محمد سجاد کیگھر سے مویشی مالیت2لاکھ80ہزار، محمد صابر ودیگر افراد کے پانچ موبائلز ، تھانہ پاک گیٹ کے علاقے محمد یوسف کا موبائل مالیت15ہزار، تھانہ نیوملتان کے علاقے حامد علی ،تھانہ دہلی گیٹ کے علاقے منظورآباد محمد اشفاق کی موٹرسائیکلیں ، تھانہ مخدوم رشید کے علاقے عادل کا موبائل مالیت15ہزار جبکہ محمد اصغر کی آڑھت سے دھان مالیت50ہزار چوری ہوگئے۔دریں اثناء آل پاکستان انجمن تاجران کے زیراہتمام گلگشت گردیزی میں چوری و ڈکیتی کی بڑھتی ہو ئی وارداتیں کے خلاف احتجاجی مظاہرہ کی قیادت آل پاکستان انجمن تاجران جنوبی پنجاب وملتان شہر کے صدر عارف فصیح اللہ چوہدری نوید نے کی،اس موقع پر،سلمان قریشی ،عامر روف،عاطف،اسلم ،اعظم پہلوان،شعیب احمد،ا،چوہدری عثمان،رانا شفقت،ملک نواز،عمران سیال ودیگر تاجر رہنما شریک تھے،مظاہرین سے خطاب کرتے ہوئے صدر عارف فصیح اللہ،چوہدری نوید نے کہا کہ حکومت گلگشت میں چوری اور دکیتی کی بڑھتی ہوئی وارداتوں سے تاجر برادری اور عام شہری بری طرح متاثرہورہے ہیں اورگلگشت میں چوری و ڈکیتی کی بڑھتی ہو ئی وارداتیں معمول بن چکی ہیں لیکن پولیس اورضلعی انتظامیہ خاموش تماشائی کا کردار ادا کر رہی ہے مکین اور تاجر برادری سڑکوں پر نکلنے پر مجبور ہو چکے ہیں اگر یہی صورتحال رہی تو عوامی و تجارتی حلقے جگہ جگہ احتجاجی مظاہرے کرنے پر مجبور ہونگیں، ہم ایڈیشنلآئی جی جنوبی پنجاب اور ایڈیشنل چیف سیکرٹری سے مطالبہ کررہے ہیں گلگشت کے تاجروں کے جان مال کا تحفظ یقینی بنایا جائے ۔ گگو منڈی سے نامہ نگار کے مطابق گزشتہ رات مسمیان شہباز اور عمران رکشہ پر سوار چک نمبر285۔ای بی مہندی کی تقریب کا سٹیج سجا کر واپس آ رہے تھے کہ جملیرا روڈ پر دو نا معلوم مسلح ڈاکوئوں نے ناکہ لگا کر انہیں روک لیا اور شہباز سے تین ہزار روپے نقدی عمران سے 18سو روپے نقدی اور رکشی ڈرائیور سے ایک ہزار روپے چھین لیے اور اسی دوران وہاں سے گزرنے والے دیگر 11راہگیروں کو روک کر بھی لوٹتے رہے اور لوٹنے کے بعد ان کو یرغمال بنائے رکھا متاثرین کے مطابق نا معلوم ڈاکوئوں نے لوٹنے کے بعد ان سے ان کی قومیت پوچھی جنہوں نے اپنی قومیت جٹ ،آ رائیں اور جوئیہ بتائی انہیں شدید تشدد کا نشانہ بنایا جبکہ دیگر قومیت کا بتانے والوں پر تشدد نہیں کیا تقریباً تین گھنٹے کی لوٹ مار کے بعد ڈاکو اپنی موٹر سائیکل پر بیٹھ کر فرار ہو گئے ۔ اڈالاڑ سے نمائندہ نوائے وقت کے مطابق لاڑمین بازار کے چوکیدار نے گزشتہ روز رات کو کپڑے کی دوکان کا تالا چابی کے ذریعے کھول کر کپڑوں کے ہزاروں مالیت کے کئی تھان اٹھالیے اور دوکان کاشٹل بند کرتے ہوئے دوکان مالک نے رنگے ہاتھوں پکڑلیا اسی موقع پر دیگر شہری بھی اکھٹے ہوگئے اور چوکیدار کو خوب درگت کے بعد چوکی لاڑ پولیس کے حوالے کردیا کیا۔اسموقع پر لاڑ بازار کے تاجروں راناوحیدجمیل۔راناسہیل۔ملک شاہدحسین۔چوہدری امین۔چوہدری شاہ زیب۔عابد خان۔ملک عبدالروف سمیت دیگر نے شدید احتجاج کرتے ہوئے ایڈیشنل آئی جی۔ آرپی او ملتان۔سی پی اوملتان سمیت دیگرارباب اختیار سے سیکورٹی کمپنی کے مالک اور چوکیدار کے خلاف فوری نوٹس لینے کا مطالبہ کیا ہے۔
