وہاڑی (نامہ نگار)ضلع وہاڑی کے 1400پرائیویٹ سکولز کا ڈیٹا آن لائن اور آی لائسنس جاری کرنے کا فیصلہ گورنمنٹ اسلامیہ ہائی سکول وہاڑی میں سیل قائم کر دیا گیا تفصیل کے مطابق یکم مارچ 2021تک پرائیویٹ سکولز کو بھی یہ اختیار دیا گیا ہے کہ اگر پہلے سے رجسٹرڈ کسی سکول کا ڈیٹا پہلے کسی وجہ سے آن لائن نہیں کیا جا سکا تو اب سکول مالکان خود اپنا ڈیٹا اپ لوڈ کر سکتے ہیں ، اسی طرح ایسے سکولز مالکان جنہوں نے رجسٹریشن کے لئے فائلز چیف ایگزیکٹو آفیسر کے دفتر میں جمع کروائی ہوئی ہیں تو اب ان فائلز کو بھی اپ لوڈ کیا جا سکتا ہے اور پہلے سے جمع کروائے گئے ووچرز کو بھی جمع کروانے کی سہولت موجود ہے۔ تاہم ان سب طرح کی فائلز کو چیف ایگزیکٹو آفیسر سے منظور کروانا ضروری ہے اور ساتھ ہیآن لائن اٹھائے گئے اعتراضات کے لئے بھی چیف ایگزیکٹو آفیسر تعلیم کی منظور ی لینا ضروری ہے۔ ان تمام کاموں کے لئے چیف ایگزیکٹو آفیسر (تعلیم) وہاڑی نے گورنمنٹ اسلامیہ ہائی سکول وہاڑی نے ایک سیل قائم کر دیا ہے اور سارے عمل کی نگرانی خود کرتے ہوے یکم مارچ 2021 تک پرائیویٹ سکولز کے  آن لائن رجسٹریشن کے تمام مسائل حل کروا دیں گے۔ مزید یہ کہ ان تمام سکولز کو ہدایت کی جاتی ہے کہ وہ اپنا ڈیٹا ویری فائی کر لیں تا کہ نئے سال کے لئے ان کو آن لائن رجسٹریشن جاری ہو سکے۔ اور سکولز مالکان اپنا ای لائسنس حاصل کر سکیںگے۔

آب زم زم کنوئیں میں‌ اترنے والی پہلی شخصیت کا انتقال