شمالی وزیرستان: این جی او کی گاڑی پر فائرنگ، 4 خواتین ورکر جاں بحق، 8 افراد اغوا
میرانشاہ(این این آئی) تحصیل شیواہ میں گاڑی پر فائرنگ سے 4 خواتین جاں بحق ہوگئیں۔ذرائع کے مطابق واقعہ ٹنڈی کے علاقے میں پیش آیا جہاں نامعلوم افراد نے گاڑی پر فائرنگ کی جس کے بعد گاڑی میں سوار 8 افراد کو اغوا کرکیلے گئے۔پولیس کے مطابق فائرنگ ایپی گاؤں کے قریب این جی اوکی گاڑی پرکی گئی جس کے نتیجے میں 4 خواتین جاں بحق ہوئیں ، گاڑی کا ڈرائیور شدید زخمی ہوگیا۔پولیس کے مطابق فائرنگ سے جاں بحق چاروں خواتین سماجی کارکن تھیں، لاشوں اور زخمی ڈرائیور کو تحصیل ہیڈکوارٹر ہسپتال میرعلی منتقل کردیا گیا ۔ ایس پی انویسٹی گیشن شمالی وزیرستان کے مطابق مغویوں کی بازیابی کے لیے پولیس اور ایف سی کا سرچ آپریشن شروع کر دیا گیا
