ثانیہ نشتر کی زیر صدارت احساس انڈرگریجویٹ سکالر شپ کی اسٹیئرنگ کمیٹی کا اجلاس
اسلام آباد (نمائندہ خصوصی) 2020-21کے تعلیمی سال کے بجٹ کی منظوری اور کارکردگی کا جائزہ لینے کیلئے وزیر اعظم کی معاون خصوصی ڈاکٹر ثانیہ نشتر کی زیر صدارت احساس انڈرگریجویٹ سکالر شپ کی اسٹیئرنگ کمیٹی کا اجلاس منعقد ہوا۔ اس حوالے سے کمیٹی نے ملک بھر میں 67000 ضرورت اور میرٹ پر مبنی سکالرشپس کیلئے 6.53 ارب روپے کی منظوری دی۔کمیٹی ممبران نے آن لائن پورٹل کے ذریعے درخواستیں دینے والے 111685انڈرگریجویٹ طلباء42430طالبات کی درخواستیں ) پر تبادلہ خیال کیا، پورٹل 30نومبر 2020کو درخواستوں کے حصول کیلئے بند ہوگیا تھا۔ اجلاس میں سرکاری شعبے کی 125یونیورسٹیوں کے ساتھ پروگرام کے فیلڈ ایگزیکیوشن کا بھی جائزہ لیا گیا۔ڈاکٹر ثانیہ نشتر نے تعلیمی سال 2020-21 میں سکالرشپ کی تقسیم اور اس عمل کو تیز کرنے پر زور دیا۔ نئی درخواستوں کی جانچ فی الحال جاری ہے اور اس بات کی توقع کی جارہی ہے کہ حتمی انتخاب کا عمل اپریل 2021تک مکمل ہوجائے گا۔ ڈاکٹر ثانیہ نے بی ا?ئی ایس پی اور ایچ ای سی کو بھی اس مرحلے میں بروقت آگاہی مہم اور فنڈز جاری کرنے پر عملدرآمد کی اپیل کی۔ کمیٹی کو آگاہ گیا کیا کہ ایچ ای سی پبلک سیکٹر کی میڈیکل یونیورسٹیوں کے طلباء کی سہولت کیلئے مارچ2021کے دوسرے ہفتے میں 15روز کیلئے پورٹل دوبارہ کھولے گا۔اس موقع پر خطاب کرتے ہوئے ڈاکٹر ثانیہ نشتر نے اس بات پر زور دیا کہ احساس پالیسی کے تحت اسکالرشپس 50%طالبات اور 2%مخصوص صلاحیت کے حامل افراد کو ملنی چاہیئے۔ انہوں نے مزید کہا کہ شفافیت کو یقینی بناتے ہوئے اس تعلیمی پروگرام کے ذریعے مستحق طالبات، مخصوص صلاحیت کے حامل طلباء اور پسماندہ علاقوں سے درخواست دینے والے طلباء کو ترجیحی بنیادوں پر فائدہ حاصل ہونا چاہیئے۔ سال 2019-20 میں ملک بھر میں 50762طلبائکو 4.827 ارب روپے کی سکالرشپس دی گئی ہیں۔
