سندھ ہائیکورٹ کا گمشدہ افراد کو فوری بازیاب کرانے کا حکم
کراچی(وقائع نگار)سندھ ہائیکورٹ میں لاپتہ افراد کی بازیابی سے متعلق درخواستوں کی سماعت عدالت نے لاپتہ شہریوں کو فوری بازیاب کرانے کی حکم دیتے ہوئے کہاکہ لاپتہ شہریوں کی بازیابی کیلئے دیگر صوبوں سے بھی رابطہ کیاجائے ،لاپتہ شہری کی اہلیہ نے عدالت میں آہ وبکاکرتے ہوئے کہاکہ میرے شوہر مشتاق کو 6 سال گزر گئے کہاں ہے کچھ بتا دیں ؟مجھے بچے کہتے ہیں بابا کی یاد آتی ہے بات کروا دیں ، ہمارے بچوں کا مستقبل خراب ہو رہا ہے ہم پر نہیں بچوں پر رحم کھا کہ ہمارے پیارے واپس کر دیں ،میرے شوہر اللہ وسایو کو 11 سال ہوگئے جے آئی ٹی بنی مگر میرے شوہر کو کچھ نہیں ہوا،11 سال سے در در کی ٹھوکریں کھا رہی ہوں ، عدالت نے پولیس حکام سے 29 مارچ تک پیش رفت رپورٹ طلب کرلی۔
