مودی کیخلاف ایک لاکھ کسانوں کا احتجاج ، 8 مارچ کو پارلیمنٹ کے گھیراؤ کا اعلان
نئی دہلی (نیٹ نیوز) بھارتی پنجاب میں ایک لاکھ کسانوں نے مودی کیخلاف احتجاج کیا، کسان رہنمائوں نے کہا کہ 8 مارچ کو پارلیمنٹ کا گھیراؤ کیا جائے گا، امریکہ کی 87 بڑی کسان یونینز بھی بھارتی کاشتکاروں کے حق میں بول اٹھیں۔بھارتی کسانوں کا کالے قوانین کے خلاف احتجاج جاری ہے۔ کسان رہنمائوں نے خطاب کرتے ہوئے کہا کہ دلی پولیس نے کارکنوں کے خلاف جعلی مقدمے بنائے۔ رہنمائوں نے مزید کہا کہ سارے تہوار دھرنوں ہی میں منائے جائیں گے، جلسے میں خواتین کی بھی بڑی تعداد نے شرکت کی۔ مظاہرین نے کہا کہ 8 مارچ کو پارلیمنٹ کا گھیراؤ بھی کیا جائے گا۔امریکہ کی 87 بڑی کسان یونینز بھی بھارتی کاشتکاروں کے حق میں بول اٹھیں، مشترکہ بیان میں کہا کہ زرعی قوانین کسانوں سے زندگی چھیننے کے مترادف ہے۔
