پشاور کے معصوم بچوں نے اپنی جانوں کی قربانی دیکر قوم کو متحد کر دیا: احسن اقبال

23 دسمبر 2014

اسلام آباد ( آئی این پی ) وفاقی وزیر برائے ترقی ومنصوبہ بندی احسن اقبال نے کہا ہے کہ پشاور کے معصوم بچوں نے اپنی جانوں کی قربانی دے کر پوری قوم کو متحد کردیا ، دہشتگردی کے خلاف قومی لائحہ عمل تیار کرنے میں کامیاب ہوئے ، دنیا بھر میں کوئی ملک پالیسیوں اور استحکام کے بغیر آگے نہیں بڑھ سکتا ، آگے جانے کیلئے استحکام پر کوئی سمجھوتا نہیں کرنا ہوگا ۔ وہ پیر کو یہاں اسلام آباد میں سرکاری شعبے میں اصلاحات سے متعلق سیمینار سے خطاب کررہے تھے ۔ انہوں نے کہا کہ ایڈہاک ازم سے کوئی ملک ترقی نہیں کرسکتا، 60کے عشرے میں پاکستان کئی ملکوں کی مدد کرتا تھا ، مستحکم ماحول کے بغیر اصلاحات بھی کامیاب نہیں ہوسکتیں ۔ انہوں نے کہا کہ پچھلے 14برس سے انرجی کیلئے ڈے ٹو ڈے آپریشنل کام ہوا۔