محکمہ جیل خانہ جات پنجاب کیلئے محکمانہ پروموشن کمیٹی کا اجلاس طلب

لاہور (نیوز رپورٹر)سیکرٹری داخلہ پنجاب کی ہدایت پر محکمہ جیل خانہ جات کیلئے محکمانہ پروموشن کمیٹی کا اجلاس طلب کر لیا گیا ہے۔ ترجمان محکمہ داخلہ پنجاب کے مطابق ڈپٹی سپرنٹنڈنٹس جیل اور سائیکالوجسٹس کی ترقی کیلئے اجلاس جمعہ 25 اپریل کو طلب کیا گیا ہے۔ اجلاس میں پنجاب کے 49 اسسٹنٹ سپرنٹنڈنٹس جیل کی بطور ڈپٹی سپرنٹنڈنٹس جیل پروموشن کے کیس زیر بحث آئیں گے۔ اجلاس میں 3 لیڈی اسسٹنٹ سپرنٹنڈنٹس کی بطور ڈپٹی سپرنٹنڈنٹس پروموشن بھی زیر بحث آئے گی اور 3 سائیکالوجسٹس کی پروموشن بھی زیر غور ہو گی۔ یوں ڈیپارٹمنٹل پروموشن کمیٹی میں محکمہ جیل خانہ جات کے 52 افسران گریڈ 16 سے 17 میں ترقی پائیں گے۔ اجلاس ایڈیشنل سیکرٹری پریزن کی صدارت میں ہوگا جس میں آئی جی جیل خانہ جات اور ایڈیشنل سیکرٹری ریگولیشن شریک ہونگے۔