پوری قوم بیگم کلثوم نواز شریف کی صحت یابی کیلئے دعا گو ہے،ملک منصورافسر
راولپنڈی ( نیوز رپورٹر ) ممبر کینٹ بورڈ راولپنڈی وارڈ 7ملک منصورافسرنے کہا ہے کہ سیاست اور سیاسی اختلافات اپنی جگہ مگر پوری قوم بیگم کلثوم نواز شریف کی صحت یابی کیلئے دعا گو ہے مگر اپوزیشن راہنمائوں بالخصوص عمران خان کو اپنی بیماراہلیہ کی تیمارداری کیلئے لندن جانے پر میاں نواز شریف پر اعتراض ہے جو ان کی ذہنیت کو ظاہر کرتا ہے ۔ انہو ںنے یہ بات مسلم لیگ ن سے تعلق رکھنے والے ورکروں کے وفود سے اپنے آفس برف خانہ چوک میں ملاقاتوں کے دوران کی،انہو ںنے کہا کہ مفادات اور تخریب کی سیاست عمران خان کی پہچان بن چکی ہے جو انسانی ہمدردی سے بھی یکسر عاری ہو چکے ہیں ۔ انہو ںنے کہا کہ جو شخص پورے ملک کے غریب اور نادار عوام سے پیسے جمع کرکے ہسپتال چلاتاہے وہاں کسی غریب آدمی کو مفت علاج معالجے کی سہولت تک میسر نہیں اور یہ ہر جگہ اپنے اس پراجیکٹ پر اتراتے پھرتے ہیں ۔ انہو ںنے کہا کہ لاہور ہسپتال کیلئے عمران خان کو زمین دینے پر میاں نواز شریف کا مشکور ہونا چائییے اور جہاں وہ اس ہسپتال کی تحسین کرتے ہیں وہ ایک آدھ جملہ میاں نواز شریف اور ان کی فیملی کیلئے بول دیں مگر ان میں اتنا ظرف ہی نہیں ہے ۔