اسلام آباد (وقائع نگار خصوصی) وفاقی کابینہ نے ’’کامیاب نوجوان پروگرام‘‘ کی منظوری بھی دے دی جس کے تحت نوجوانوں کیلئے روزگار اور کاروبار کے مواقع پیدا کئے جا ئیں گے۔ اسلام آباد کے لوکل گورنمنٹ سسٹم کیلئے ایک نئے بورڈ کی منظوری بھی دے گئی سابق وفاقی وزیر خزانہ و اقتصادی امور اسد عمر کو اس بورڈ کا حصہ بنا دیا گیا ہے۔ وفاقی وزیر تعلیم نے مفصل اور جامع ایجوکیشن پالیسی وفاقی کابینہ میں پیش کر دی یہ پالیسی بناتے ہوئے وفاق کے مینڈیٹ کو مدنظر رکھا گیا ہے، جس پرکابینہ میں اڑھائی گھنٹے تک بحث کی گئی وفاقی وزیر تعلیم خود ایجوکیشن پالیسی کے خدوخال بیان کریں گے،پالیسی میں یکساں نصاب اور معیاری تعلیم سمیت دیگر پہلوئوں کا احاطہ کیا گیا ہے یہ بات وزیراعظم کی معاون خصوصی برائے اطلاعات ڈاکٹر فردوس عاشق اعوان نے وفاقی کابینہ کے اجلاس کے بعد ایک پریس کانفرنس خطاب کرتے ہوئے کہی ۔ وفاقی کابینہ کا اجلاس وزیراعظم عمران خان کی زیرصدارت منعقد ہو ا جس میں ڈالر کی اونچی اڑان پر کابینہ میںتفصیل سے بات ہوئی کابینہ میں اپوزیشن کی بے چینی پر بھی غور کیاگیا،اپوزیشن چلا ہوا کارتوس ہے، ڈاکٹر فردوس عاشق اعوان نے بتایا کہ مشیر خزانہ ڈاکٹر عبدالحفیظ شیخ معیشت کے حوالے سے طویل مدتی روڈ میپ بھی ہفتہ کے روز قوم سے شیئر کریں گے،حکومت نوجوانوں کیلئے قرض کی شرح سودکا کچھ بوجھ خود اٹھانے جا رہی ہے،میاں نواز شریف چھ ہفتے فائیو سٹار گھر میںلیٹے رہے ایک بھی دن ہسپتال میں نہیں گزارا،میاں صاحب کی بیماری کا بیانیہ گھر اورجیل میں جا کر تبدیل ہوجاتا ہے،مشکل حالات سے نکلنے کیلئے عوام کی طاقت پر یقین ہے، وفاقی کابینہ نے ای سی سی کے تمام فیصلوں کی توثیق کر دی ، انہوں نے کہا کہ وزیراعظم سے کہا ہے کہ توانائی کے معاملے پر بیٹ رپورٹرز کے ساتھ بھی بات کریں ،نیب کی کارروائیاں پر اپوزیشن کو خدشات ہیں تو عدالتیں موجود ہیں،اپوزیشن نیب پر حملے کرنے اور دھمکیاں دینے کی بجائے نیب کے سوالات کے جواب دے،نیب سے چھپن چھپائی کھیلنا مسئلہ کا حل نہیں،نیب حکومتی شکنجوں سے آزاد ہے،وہ آئین و قانون کے تابع ہے حکومت یا اپوزیشن کے نہیں۔ میں نیب کی ترجمان نہیں ، نیب کا اپنا ترجمان ہے، جب نیب اپنے موقف سے آگاہ نہیں کرے گا تو ڈس انفارمیشن پھیلے گی۔ ڈاکٹر فردوس عاشق اعوان نے کہا کہ کابینہ کے 10نکاتی ایجنڈا میں سے 9 نکات پر غور ہوا،علی محمد مہر کی اچانک وفات پر کابینہ نے رنج و غم کا اظہار کیاان کے انتقال کے باعث کابینہ کے اجلاس کا ماحول سوگوار ہو گیا وزیراعظم نے ان کے خاندان کیلئے نیک خواہشات کا اظہار کیاہے، انہوں نے کہا کہ کابینہ اجلاس میں تعلیم اور نوجوانوںکے مستقبل کے حوالے سے تفصیلی بات چیت ہوئی، نوجوان نسل ملک کی ترقی میں اہم کردار ادا کریں گے،اٹھارویں ترمیم کے بعد تعلیم کا شعبہ صوبائی حکومتوں کے پاس ہے،عثمان ڈار نوجوانوں کی تعلیم کے حوالے سے پالیسی کے بارے میں ایک دو دن میں میڈیا کو بریفنگ دیںگے،نوجوانوں کو ایک لاکھ سے 5لاکھ کاقرض 6فیصد شرح سود اور 10فیصد ایکویٹی پر دیا جائے گا،5لاکھ سے 50لاکھ کا قرض 20 فیصد ایکویٹی پر دیا جائے گا، وفاقی کابینہ نے اس عزم کا اعادہ کیا کہ مشکل حالات سے نکلنے کیلئے عوام کی طاقت پر یقین ہے، مشیر خزانہ عبدالحفیظ شیخ ایک لانگ ٹرم اکنامک روڈ میپ کا اعلان کریں گے،وہ معیشت کو نقصان پہنچانے والی بارودی سرنگوں اور خودکش حملوں کا بھی بتائیں گے،کابینہ نے ای سی سی کے تمام فیصلوں کی منظوری دی کابینہ میں اپوزیشن کی بے چینی پر بھی غور کیا گیا،کابینہ نے پاکستان کے اندر انتشار اور عدم استحکام کے حوالے سے غور کیا،وزیراعظم عمران خان نے سب کو عوام کے اندر جا کر ان کے دکھوں کے مداوا کی ہدایت کی ہے۔ انہوں نے کہا کہ اپوزیشن چلا ہوا کارتوس ہے، وزیراعظم سے کہا ہے کہ توانائی کے معاملے پر بیٹ رپورٹرز کے ساتھ بھی بات کریں ۔ انہوں نے کہا کہ نیب ایک آزاد اور خودمختار ادارہ ہے،وہ حکومتی شکنجوں سے آزاد ہے،وہ آئین و قانون کے تابع ہے حکومت یا اپوزیشن کے تابع نہیں،حکومت سہولت کار کا کردار ادا کرسکتی ہے جس کی وہ قانونی طور پر پابند ہے،نیب کو اپنے دائرہ کار میں رہتے ہوئے کارروائیاں کرنی ہیں،اپوزیشن کو نیب سے کوئی شکایت ہے تو عدالت کے دروازے زور زور سے پیٹنا شروع کرے، میں نیب کی ترجمان نہیں ، نیب کا اپنا ترجمان ہے، جب نیب اپنے موقف سے آگاہ نہیں کرے گا تو ڈس انفارمیشن پھیلے گی،اپوزیشن نیب پر حملے کرنے اور دھمکیاں دینے کی بجائے نیب کے سوالات کے جواب دے،جس کا دامن صاف ہوتا ہے وہ سینہ تان کا کھڑا ہوتا ہے لاپتہ افراد میں شامل نہیں ہوتا،نیب کی کارروائیاں پر اپوزیشن کو خدشات ہیں تو عدالتیں موجود ہیںجہاں سمجھتے ہیں کہ نیب نے تجاوز کیا ہے تو عدالت ہے،اپوزیشن پہلے ہی عدالتوں کے دروازے کھٹکھٹا رہی ہے اب زور زور سے بجانا شروع کر دے، اپوزیشن نیب پر حملے کرنے کی بجائے اور دھمکیاں کھانے کی بجائے نیب کے سوالوں کے جواب دے،نیب سے چھپن چھپائی کھیلنا مسئلہ کا حل نہیں،عمران خان اداروں کی مضبوطی پر یقین رکھتے ہیں،میاں صاحب چھ ہفتے فائیو سٹار گھر میںلیٹے رہے ایک بھی دن ہسپتال میں نہیں گزارا،میاں صاحب کی بیماری کا بیانیہ گھر اورجیل میں جا کر تبدیل ہوجاتا ہے،حکومت ان کو معاونت فراہم کرنے کیلئے تیار ہے۔انہوں نے کہا کہ حکومت نوجوانوں کیلئے قرض کی شرح سودکا کچھ بوجھ خود اٹھانے جا رہی ہے۔معاون خصوصی برائے یوتھ افئیرز عثمان ڈار نے کہا ہے کہ ملک بھر کے نوجوانوں کے لئے اچھی اور بڑی خبر ہے، وزیراعظم کے بعد کابینہ نے بھی کامیاب جوان پروگرام کی توثیق کر دی، مشکل معاشی حالات کے باوجود 100 ارب روپیہ مختص کر دیا گیا ہے۔ انہوں نے کہا کابینہ سے خطیر رقم کی منظوری نوجوانوں کی بڑی کامیابی ہے، گزشتہ 8 ماہ کی انتھک محنت کے بعد جامع پروگرام تشکیل دیا گیا ہے۔ عثمان ڈار نے کہا 10 لاکھ نوجوان براہ راست پروگرام سے مستفید ہو سکیں گے، پروگرام سے وزیراعظم کے نوجوانوں کو بااختیار بنانے کا مشن آگے بڑھائیں گے، نوجوانوں حکومتی منصوبے سے فائدہ اٹھانے کے لئے تیار ہو جائیں، کامیاب جوان پروگرام ملک کے نوجوانوں کی قسمت بدل سکتا ہے۔ نوائے وقت رپورٹ کے مطابق ڈاکٹر فردوس عاشق اعوان کا کہنا تھا کہ شہید ذوالفقار علی بھٹو یونیورسٹی کے وائس چانسلر اور کراچی کی بینکنگ کورٹ کے جج کی تعیناتی کی منظوری بھی دی گئی۔ انہوں نے کہا کہ کابینہ اجلاس میں فیصلہ کیا گیا کہ وفاق کے تحت نئی تعلیمی پالیسی ترتیب دی جائے گی۔ وزیر تعلیم آئندہ چند روز میں اس پر بریفنگ دیں گے۔

کورونا وائرس،دنیا بھر میں ہلاکتیں2083257ہوگئیں

اسلام آباد (آن لائن + اے این پی) وزیراعظم کی معاون خصوصی برائے اطلاعات فردوس عاشق اعوان نے کہا ہے کہ روایتی جماعتوں کے قائدین صرف اپنے بچوں اور اپنے مستقبل کیلئے فکرمند ہیں جبکہ عمران خان کو قوم کے بچوں کا مستقبل سنوارنے کی فکر ہے۔ معاون خصوصی برائے اطلاعات نے اپنے ٹوئٹ میں کہا اپنی جماعتوں کو کمپنیاں سمجھ کر چلانے والوں کی خواہش ہے کہ پہلے انہوں نے لوٹا‘ اب اگلی نسل کو قوم پر مسلط کر جائیں۔ عمران خان نے جرأتمندانہ فیصلے کئے ہیں جن کے ثمرات جلد قوم کو ملیں گے۔ فردوس عاشق اعوان کاکہنا تھا پاکستان معاشی و سماجی لحاظ سے طاقتور ملک بن کر ابھرے گا۔ حیرت ان پر ہے جو جمہوریت کی بات تو کرتے ہیں‘ لیکن عمل سے موروثی غلامی کا درس دے رہے ہیں۔

ملک بھر میں دھند کے باعث حادثات، 6 افراد جاں بحق، 30 سے زائد زخمی