اسلام آباد : احتساب عدالت نے میگا منی لانڈرنگ کیس میں سابق صدر آصف علی زرداری سمیت دیگر ملزمان پر فردجرم کی کارروائی موخر کردی ، ریفرنسز کی سماعت11 فروری تک ملتوی ہوگئی۔

تفصیلات کے مطابق احتساب عدالت میں میگا منی لانڈرنگ کیس کی سماعت جج اعظم خان کی سربراہی میں ہوئی،آصف زرداری علالت کے باعث احتساب عدالت اسلام آباد پیش نہ ہوئے جبکہ فریال تالپور، عبد الغنی مجید، عدیل راشدی سمیت دیگر ملزمان عدالت میں پیش ہوئے ۔ فاروق ایچ نائیک نے کہا کہ آصف زرداری علیل ہیں، عدالت میں پیش نہیں ہو سکتے ، عدالت نے آصف زرداری کی آج حاضری سے استثنیٰ کی درخواست منظورکرلی۔

بلوچستان میں ٹی بی کے خاتمہ کیلئے مزید اقدامات کرینگے: ڈاکٹر ربابہ بلیدی

جج اعظم خان نے استفسار کیا کہ آج فرد جرم عائد کی جانی ہے ، شریک ملزم انور مجید کہاں ہیں؟ وکیل انور مجید نے کہا کہ انور مجید کراچی ہسپتال میں ہیں، میڈیکل رپورٹس موجود ہیں۔ نیب پراسیکیوٹر نے کہا کہ ہم نے ریفرنس دائر کر رکھا ہے، فردجرم عائد کی جائے ، فاروق ایچ نائیک نے اعتراض کیا کہ عبوری ریفرنس پر فردِ جرم عائد نہیں کی جا سکتی،نیب پراسیکیوٹر نے کہا کہ قانون موجود ہے، فرد جرم عائد ہو سکتی ہے، جن ملزمان کو نامزد کیا گیا ان کی حد تک تفتیش مکمل ہوئی تو ریفرنس فائل کیا۔

جج اعظم خان نے استفسار کیا کہ زین ملک کی پلی بارگین کا کیا بنا؟ جس پر نیب پراسیکیوٹر نے کہا کہ زین ملک کی پلی بارگین کا عمل جاری ہے ، نیب نے پلی بارگین کے حوالے سے زین ملک کو طلب کر رکھا ہے۔ جج احتساب عدالت اعظم خان ریمارکس دیے کہ آئندہ سماعت تک زین ملک کی پلی بارگین کے حوالے سے عدالت کو آگاہ کیا جاے۔

 امن کے قیام کیلئے حکومت ہر ممکن اقدامات اٹھا رہی ہے:شاہد اللہ خان

جج نے استفسار کیا کہ کیا ضمنی ریفرنس آنے پر دوبارہ فرد جرم عائد کی جائے گی ؟فاروق ایچ نائیک نے کہا کہ پارک لین ریفرنس میں فریال تالپور نامزد نہیں،وکیل صفائی نے کہا کہ سپلیمنڑی ریفرنس کی کاپیاں ابھی تک فراہم نہیں کی گئیں۔احتساب عدالت اسلام آباد نے ملزمان کو ریفرنس کی کاپیاں فراہم کرنے کا حکم دیتے ہوئے سماعت 11 فروری تک ملتوی کردی۔