پاکستانی ٹینس سٹار اعصام قریشی بیوی کے ہمراہ مالدیپ میں چھٹیاں منا رہے ہیں
پاکستانی ٹینس سٹار اعصام قریشی چھٹیاں منانے کے لئے بیگم کے ہمراہ مالدیپ میں خوبصورت جزیروں کی سیرکررہے ہیں، ان کی حال میں جاری ہونیوالی تصاویر میں پاکستانی ٹینس سٹار اور ان کی بیگم کو انتہائی خوشگوار موڈ میں دیکھا جا سکتا ہے ۔ دونوں میاں بیوں خوبصورت جزیرے پر تراکی کر رہے ہیں جبکہ پر کشش بیچز پر موجود ہیں ۔
ٹینس کے بڑے ایونٹ آسٹریلیا اوپن کے بعد پاکستانی ٹینس سٹار اعصام قریشی اپنے ٹوئٹر ہینڈل پر خیالات کا اظہار کرتے ہوئے لکھتے ہیں کہ مالدیپ میں حیران کن، آرام دہ اور خوشی سے بھرپور چھٹیاں جو میں اپنی زندگی کی بہترین ساتھی کے ہمراہ گزار رہا ہوں انتہائی پر مسرت ہیں۔ انہوں نے مالیدیپ کے جزیرے کی انتظامیہ کا شکریہ بھی ادا کرتے ہوئے کہا کہ انہوں نے بہترین مہمان نواز ی کی ہے ۔ پاکستانی ٹینس سٹار اعصام قریشی لکھتے ہیں اب وقت آگیا ہے کہ گھر کو واپس جایا جائے اور اگلے محاذ ڈیوس کپ پر جاپان سے مارچ میں ہونے والے مقابلے کے لئے تیاری کی جائے ۔
واضح رہے کہ پاکستانی ٹینس سٹار اعصام قریشی 5مارچ کو اسلام آباد کے پاکستان سپورٹس کمپلیکس میں پاکستان بمقابلہ جاپان ڈیوس کپ میں اپنے ساتھی ٹینس سٹار عقیل خان کے ہمراہ کھیلیں گے ۔ دونوں سٹار کھلاڑیوں نے پہلے سے ہی مقابلے کی تیاری شروع کر رکھی ہے اور اب اعصام مالدیپ میں اپنی بیگم کے ہمراہ بہترین چھٹیاں گزارنے کے بعد دوبارہ سے ٹریننگ شروع کریں گے ۔
ڈیوس کپ میں پاکستان ٹیم کے نان پلینگ کیپٹن مصحف ضیا امید رکھتے ہیں کہ ان کی ٹیم جاپان کو شکست دے گی جبکہ ایشیا ٹینس ہاﺅس پاکستانی گراس ٹینس کورٹ کا مزا بھی اٹھائیں گے ۔ اس مقابلے سے قبل اعصام قریشی اور عقیل خان دونوں ڈیوس کپ میں سلوینیا اور دیگر ممالک کے خلاف جیت اپنے نام کر چکے ہیں اور اس مرتبہ دوبارہ سے ملک کا نام روشن کرتے ہوئے جاپان کو شکست دینے میں کامیاب ہوں گے ۔
