لاہور(چودھری اشرف) ایچ بی ایل پاکستان سپر لیگ کے پانچویں میچ میں اسلام آباد یونائٹیڈ نے ملتان سلطان کو 8 وکٹوں سے شکست دیکر ٹورنامنٹ میں پہلی کامیابی حاصل کر لی۔ ملتان سلطانز ٹیم نے پہلے کھیلتے ہوئے ذیشان اشرف کے پچاس اور جیمز ونس کے 42 رنز کی بدولت 8 وکٹوں پر 164 رنز سکور کیے۔ جواب میں اسلام آباد یونائٹیڈ نے ہدف 17 ویں اوور میں دو وکٹوں کے نقصان پر پورا کر لیا۔ لیونک رونکی 74 اور کولن منرو نے پچاس نمایاں رنز بنائے۔

تفصیلات کے مطابق قذافی سٹیڈیم میں کھیلے جانے والے اس میچ میں اسلام آباد یونائٹیڈ ٹیم کے کپتان نے ٹاس جیت کر فیلڈنگ کا فیصلہ کیا۔ ملتان کی جانب سے شان مسعود اور جیمز ونس نے اننگز کا آغاز کیا۔ دونوں کھلاڑیوں نے پہلی وکٹ کی شراکت میں 41 رنز کی پارٹنر شپ قائم ہوئی۔ اس موقع پر ملتان ٹیم کے کپتان 21 رنز بنا کر فہیم اشرف کا شکار ہو گئے۔ 69 کے سکور پر ملتان کی دوسری وکٹ معین علی کی گری ۔ انہوں نے 10 رنز بنائے اور عماد بٹ کی گیند پر فہیم اشرف کے ہاتھوں کیچ آوٹ ہوئے۔ اسی اوور میں عماد بٹ نے ملتان کے ریلی روسو کو بھی بغیر کسی سکور کے فہیم اشرف کے ہاتھوں کیچ آوٹ کر کے پویلین کی راہ دکھا دی۔ ملتان کا سکور 87 پر پہنچا تو اسے چوتھا نقصان اعتماد کے ساتھ بیٹنگ کرنے والے جیمز ونس کی گری انہوں نے 42 رنز بنائے اور عماد بٹ کے ہاتھوں کلین بولڈ آوٹ ہوئے۔ 111 کے سکور پر ملتان کی پانچویں وکٹ خوشدل شاہ کی گری انہوں نے 7 رنز بنائے اور اسلام آباد کے عاکف جاوید کی بال پر وکٹ کیپر لیونک رونچی کے ہاتھوں کیچ آوٹ ہوئے۔ شاہد آفریدی میدان میں آئے لیکن وہ صرف 11 رنز کی اننگز کھیل سکے اور محمد موسٰی کی گیند پر عاکف جاوید کے ہاتھوں کیچ آوٹ ہوئے۔ ملتان کی ساتویں وکٹ سہیل تنویر کی گری انہیں عماد بٹ نے ایل بی ڈبلیو آوٹ کیا۔ عماد بٹ کی میچ میں چوتھی وکٹ تھی۔ ملتان سلطانز کے ذیشان اشرف نے اپنی نصف سنچری مکمل کی، ذیشان اشرف ملتان کے آوٹ ہونے والے آٹھویں کھلاڑی تھے۔ انہوں نے اپنے پچاس رنز 29 گیندوں پر 4 چوکوں اور تین چھکوں کی مدد سے مکمل کی۔ ملتان سلطانز کی اننگز کے بیس اوورز کا کوٹہ مکمل ہونے پر 8 وکٹوں پر 164 رنز تھا۔ عمران طاہر اور محمد الیاس تین تین رنز کے ساتھ ناقابل شکست رہے۔ اسلام آباد کی جانب سے باولنگ میں عماد بٹ نے 27 رنز کے عوض چار، فہیم اشرف نے 34 رنز کے عوض دو جبکہ موسٰی خان نے 24 رنز کے عوض ایک، عاکف جاوید نے 35 رنز دیکر ایک وکٹ حاصل کی۔

دنیا پاکستان کے ٹین بلین ٹری منصوبے کو قدر کی نگاہ سے دیکھتی ہے، بورس جانسن

165 رنز کے ہدف کے تعاقب میں اسلام آباد کی جانب سے لیونک رونکی اور کولن منرو نے اننگز کا آغاز کیا۔ دونوں کھلاڑیوں نے میچ کے آغاز سے ہی جارحانہ اندار اپنایا۔ 4.5 اوورز میں اپنی ٹیم کے پچاس رنز مکمل کیے۔ اس موقع پر لیوک رونکی 23 اور کولن منرو 25 کے سکور کے ساتھ ناٹ آوٹ تھے۔ اسلام آباد کی پہلی وکٹ 92 کے سکور پر گری جب کولن منرو پچاس رنز بنا کر شاہد آفریدی کی گیند پر کلین بولڈ آوٹ ہو گئے۔ اس موقع پر لیونک رونکی 39 کے سکور پر ناٹ آوٹ تھے۔ اسلام آباد یونائٹیڈ نے اپنے 100 رنز 10.2 اوورز میں ایک وکٹ کے نقصان پر مکمل کیے۔ بعد ازاں لیونک رونکی نے اپنے پچاس رنز 31 گیندوں پر 7 چوکوں اور ایک چھکے کی مدد سے مکمل کیے۔ اسلام آباد کا ٹوٹل 134 پر پہنچا تو اس موقع پر عرفان کی گیند پر ملتان سلطان کے کپتان شاہ مسعود نے لیونک رونکی کا کیچ ڈراپ کر دیا۔ اسلام آباد یونائٹیڈ کی دوسری وکٹ 163 کے سکور پر گری جب لیونک رونکی 74 رنز بنا کر محمد الیاس کی گیند پر جیز ونس کے ہاتھوں کیچ آوٹ ہو گئے۔ لیونک رونکی اور ڈیوڈ ملان کے درمیان دوسری وکٹ کی شراکت میں 71 رنز کی پارٹنر شپ قائم ہوئی۔ ڈیوڈ ملان 35 رنز کے ساتھ ناٹ آوٹ تھے۔ اسلام آباد نے 16.4 اوورز میں ہدف دو وکٹوں کے نقصان پر پورا کر لیا۔ ملتان سلطان کی جانب سے شاہد آفریدی اور محمد الیاس نے ایک ایک وکٹ حاصل کی۔

شاہ سلمان کاقومی دن سے قبل سعودی عرب کی خوشحالی کے لیے نیک خواہشات کااظہار