لاہور(وقائع نگار خصوصی) لاہور ہائیکورٹ نے پیٹرولیم مصنوعات کی قیمتوں میں اضافہ کے خلاف دائر ایک ہی نوعیت کی تمام درخواستیں یکجا کرنے کا حکم دیتے ہوئے مزید کارروائی 13 مارچ تک ملتوی کر دی۔ عدالت نے جوڈیشل ایکٹیوازم پینل کی درخواست پر سماعت کی۔ درخواست گزار وکیل نے بتایا کہ وفاقی حکومت پیٹرولیم مصنوعات پر 17فیصد سے زائد سیلز ٹیکس وصول کر رہی ہے۔ جبکہ قوانین کے مطابق 17فیصد سے زائد سیلز ٹیکس نہیں وصول کیا جا سکتا۔