ایک تصویر ایک کہانی
منٹگمری روڈ پر عبدالغفور کاروں اور موٹرسائیکل کی چابیاں بنانے کا کام 20 سال سے کر رہا ہے۔ اس نے بتایا کہ اس کے آٹھ بچے ہیں۔ 4 بیٹے اور 4 بیٹیاں۔ اس مہنگائی کے دور میں 10 افراد کے خاندان کیلئے روزی روٹی کمانا بہت مشکل ہو گیا ہے۔ یہاں فٹ پاتھ پر بیٹھا چابی بنانے کا کام کر رہا ہوں۔ گاڑی کی چابی بنانے کا 100 اور موٹرسائیکل کی چابی کے پچاس روپے لیتا ہوں۔ گھر کا خرچہ چلانے کیلئے گرمی‘ سردی‘ بارش میں چھٹی نہیں کرتا۔ اگر بیمار ہو جاﺅں تو چھٹی کرنا مجبوری بن جاتا ہے‘ لیکن یہ ہوائی روزی ہے۔ کسی دن تو دس بارہ تک بھی چابیاں بناتا ہوں اور کسی کسی دن کوئی بھی چابی بنوانے نہیں آتا تو پھر پریشان ضرور ہوتا ہوں‘ لیکن اللہ تعالیٰ کی رحمت سے مایوس نہیں ہوتا۔ محنت جاری ہے۔ اللہ برکت دینے والاہے۔ گھر کا خرچہ چلا رہا ہوں۔ اس میں اللہ تعالیٰ کا شکر ادا کرتا ہوں(فوٹو: اعجاز لاہوری)