انسانی حقوق کی عالمی تنظیم ایمنسٹی انٹرنیشنل نے کہا ہے کہ مقبوضہ بیت المقدس میں قلندیا چوکی پراسرائیلی فوج نے ایک نہتی فلسطینی خاتون کو شہید کر کے ایک بار پھر یہ ثابت کیا ہے کہ وہ نہتے فلسطینیوں کو بے دردی کے ساتھ شہید کرنے کی پالیسی پرعمل پیرا ہے۔تنظیم کا کہنا ہے کہ ایک فلسطینی خاتون کا اسرائیلی فوجیوں کے ہاتھوں قتل سنگین جرم ہے، اسرائیلی چوکی سے گذرنے والی ایک نہتی فلسطینی خاتون کو بغیر کسی خطرے کے گولیاں مار کر شہید کیا گیا۔ تنظیم نے کہا قلندیا چیک پوسٹ پر فلسطینی خاتون کا بےدردی اور منظم پالیسی کے تحت قتل سنگین جرم ہے،تنظیم نے اس واقعے کی شدید الفاظ میں مذمت کرنے کے ساتھ اس کی عالمی سطح پر جامع تحقیقات کا مطالبہ کیا ہے۔ایمنسٹی کے مطابق ویڈیو فوٹیج میں دکھایا گیا ہے کہ جب اسرائیلی فوجیوں نے فلسطینی خاتون پر گولیاں چلائیں تو وہ فوجیوں سے کافی فاصلے پر تھی اور اس کے پاس کوئی آتشیں اسلحہ بھی نہیں تھا.
بول کہ لب آزاد ہیں تیرے … یاد نہیں دلائوں گا
Mar 18, 2024