پاکستان کے بین الاقوامی شہرت یافتہ ستارے استاد راحت فتح علی خان اور عاطف اسلم سعودی عرب کے دارالحکومت ریاض میں اپنے فن کا جادو جگائیں گے۔ سعودی جنرل انٹرٹینمنٹ اتھارٹی کے چیئرمین اور ریاض سیزن کے سربراہ ڈاکٹر ترکی آل شیخ نے سماجی رابطہ کی ویب سائٹ ٹوئٹر پر لکھا کہ عاطف اسلم اور راحت فتح علی خان 25 اکتوبر کو ہمارے پاکستانی اور انڈین بھائیوں اور بہنوں کا ریاض میں انتظار کریں گے۔ ترکی آل شیخ کے اعلان کے بعد سوشل میڈیا پر سینکڑوں افراد نے اس ایونٹ کی تعریف کی۔ پاکستانی پلے بیک گلوکار، میوزک کمپوزر اور اداکار عاطف اسلم نے چارٹ ٹائپنگ کے متعدد گانوں کو ریکارڈ کیا ہے جبکہ راحت فتح علی خان اپنی قوالی موسیقی اور مسلم صوفیا کی عقیدت مند موسیقی کے لیے مشہور ہیں۔ واضح رہے کہ 11 اکتوبر سے 15 دسمبر تک 70 روز جاری رہنے والے ریاض سیزن میں دنیا بھر سے آنے والے ثقافتی طائفے اور تفریحی ٹیمیں حصہ لے رہی ہیں۔
بول کہ لب آزاد ہیں تیرے … یاد نہیں دلائوں گا
Mar 18, 2024