لاہور (خصوصی نامہ نگار)پاکستان عوامی تحریک نے آئندہ عام انتخابات کے پیش نظر تنظیم سازی کے عمل کو تیز کر دیا ہے۔ گزشتہ روز ولی اکبر خان یوسفزئی کو خیبرپختونخوا کا آرگنائزر، سبحان اللہ قادری کو سیکرٹری کوآرڈینیشن اور عطا اللہ عزیز کو سیکرٹری اطلاعات مقرر کیا گیا۔ سیکرٹری جنرل پاکستان عوامی تحریک خرم نواز گنڈاپور نے صوبائی رہنماو¿ں کا نوٹیفکیشن جاری کیا۔ مرکزی صدرقاضی زاہد حسین، سینئر نائب صدر راجہ زاہد محمود، نائب صدر میاں زاہد اسلام،مرکزی سیکرٹری اطلاعات نوراللہ صدیقی،سیکرٹری کوآرڈینیشن عارف چودھری، ڈپٹی سیکرٹری کوآرڈینیشن سردار عمر دراز خان نے پاکستان عوامی تحریک خیبرپختونخوا کے نئے عہدیداروں کو مبارکباد دی۔ اس موقع پر گفتگو کرتے ہوئے خرم نواز گنڈاپور نے کہا ان شاء اللہ آئندہ عام انتخابات میں عوامی تحریک کے کارکن ہر حلقہ انتخاب میں اپنا بھرپور کردار ادا کریں گے۔