لاہور (سپورٹس رپورٹر) تیسری انٹر اکیڈمی ہاکی چیمپئن شپ میں کراچی II اور فیصل آباد کی ٹیموں نے اپنے اپنے میچز جیت لئے ہیں۔ ایبٹ آباد میں جاری چیمپئن شپ میں گذشتہ روز پہلا میچ فیصل آباد اور پشاور کی ٹیموں کے درمیان کھیلا گیا جس میں فیصل آباد نے تین صرف سے کامیابی اپنے نام کی۔ فاتح ٹیم کی جانب سے ابو بکر، اسد اقبال اور اسد نے ایک ایک گول سکور کیا۔ دن کا دوسرا میچ کراچی II اور ایبٹ آباد کی ٹیموں کے درمیان کھیلا گیا جس میں کراچی II کی ٹیم نے سخت مقابلے کے بعد دو ایک سے کامیابی حاصل کی۔ کراچی کی جانب سے اسد جعفری اور نیئر حیدر نے جبکہ ایبٹ آباد کی جانب سے واحد گول اذان نے کیا۔ چیمپئن شپ میں آج مزید چار میچ کھیلے جائیں گے جن میں لاہور کا مقابلہ کوئٹہ سے، پشاور کا بہاولپور سے، بنوں کا مقابلہ کراچی I سے جبکہ گوجرہ کا مقابلہ فیصل آباد سے ہوگا۔

ایف پی سی سی آئی انتخابات کیلئے ایڈمنسٹریٹر مقرر کرنے کی ہدایت