امریکی صدر جوبائیڈن نے دفتر سنبھالتے ہی امریکی سرجن جنرل جیروم ایڈمز سے استعفی طلب کرلیا۔میڈیارپورٹس کے مطابق امریکی صدر جو بائیڈن نے حلف اٹھاتے ہی جہاں مسلمانوں پر سفری پابندی ختم کرنے سمیت 15 صدارتی حکم ناموں پر دستخط کیئے وہیں صحت کے شعبہ سے وابستہ امریکی سرجن جنرل جیروم ایڈمز سے عہدہ چھوڑنے کا مطالبہ بھی کردیا۔گزشتہ روز سماجی رابطے کی ویب سائٹ پر ٹوئٹ کرتے ہوئے سرجن جنرل جیروم ایڈمز نے کہا کہ بائیڈن حکومت کی جانب سے مجھے عہدہ چھوڑنے کے لیے کہا گیا ہے، میرے لیے قوم کی خدمت کرنا اعزاز کی بات ہے جو میں کرتا رہوں گا اور کوشش جاری رکھوں گا کہ تمام لوگوں کو صحت سے متعلق یکساں مواقع میسر ہوں۔جیروم ایڈمز نے کہا کہ بطور سرجن جنرل قوم سے آخر میں یہ کہنا چاہوں گا کہ ماسک ضرور پہنیں، فاصلہ رکھیں، ہاتھوں کو مسلسل دھوتے رہیں اور جب آپ کی باری آئے تو کورونا ویکسین ضرور لگوائیں۔واضح رہے ٹرمپ حکومت نے جیروم ایڈمز کو ستمبر 2017 میں امریکا کا سرجن جنرل مقرر کیا تھا جب کہ وہ کورونا وبا کے دوران صحت سے متعلق امور کے ترجمان کے طور پر خدمات سرانجام دیتے رہے ہیں۔
بانی تحریکِ انصاف کو "جیل کی حقیقت" سمجھانے کی کوشش۔
Apr 19, 2024