اسپیکر قومی اسمبلی اسد  قیصر  سے آئی جی اسلام آباد پولیس قاضی جمیل الرحمن نے ملاقات کی۔ ملاقات میں دارالحکومت اسلام آباد میں امن او امان اور پولیس کے پیشہ ورانہ امور پر بات چیت ہوئی۔

اسپیکر قومی اسمبلی اسد قیصر کا کہنا تھا کہ جرائم اور معاشرتی برائیوں کے خاتمے کے لیے پولیس فورس کا کردار انتہائی اہمیت کا حامل ہے۔اسلام آباد کے رہائشیوں کو تحفظ فراہم کرنا پولیس کی بنیادی ذمہ داری ہے۔ پولیس کو پیشہ ورانہ ذمہ داریوں کے ساتھ ساتھ عوام دوست پالیسیوں پر عمل پیرا ہونے کی ضرورت ہے۔

بلاول بھٹو سے قائم علی شاہ کی ملاقات‘ ملکی سیاسی صورتحال پر تبادلہ خیال

اسپیکر اسد قیصر نے آئی جی کو عوام کے جان ومال کی حفاظت یقینی بنانے کی ہدایات بھی کیں۔ آئی جی نے اسپیکر کو پولیس اصلاحات کے حوالے سے بریف کرتے ہوئے کہا کہ اسلام آباد پولیس فورس کو ماڈل پولیس بنائیں گے۔